Спорт

«Спорт терроргъа къажауду» деген чакъырыу бла эмда, 2005 жылны октябринде право низамны сакълаучу органлагъа чабыуул этилгенли 20 жыл озгъаны бла байламлы  «Нальчик» спорт арада кикбоксингден республикалы эришиулени ахыр тюбешиулери болгъандыла. Алада кючлерин 14 къауум – 11-14-жыллыкъ 230-дан аслам спортчу – сынагъандыла.

Уллу Хорламны 80-жыллыгъына аталып, «Нальчик» спорт арада къатыш аскер единоборстводан регионла аралы эришиу бардырылгъанды. 

Нальчикде юч кюнню ичинде масрестлингден Россейни биринчилиги бардырылгъанды, анда дунияны биринчилигине къатышыргъа эркинлик ючюн къыралны 30 регионундан эм кючлю 400 гёжеф сынашхандыла.

Регионда спортну аслам тюрлюсю къыстау айныйдыла, шахарлада бла районлада кёп тюрлю секцияла ачыладыла, алагъа жюрюгенле къысха заманны ичинде эришиуледе жетишимлери бла къууандырып да башлайдыла. Бюгюнлюкде республикада къыркъ тёрт спорт федерация барды, аладан онжетиси – спортну олимпиада тюрлюсюндендиле, жыйырма бешиси – Олимпиадагъа кирмеген тюрлюлеринден эмда бирери сурдлимпиада эм паралимпиада тюрлюлеринден. 

Нальчикде «Каисса» арада шахматладан «Акъ ладья» деген аты бла республикалы эришиу бардырылгъанды. Анга районладан бла шахарладан он къауум къатышхандыла.

Бу кюнледе Железноводск шахарда боксдан Уллу Хорламны 80-жыллыгъына аталып  XI бокс фестиваль ётгенди. Анга СКФО-дан бла ЮФО-дан 250 жаш боксчу къатышхандыла. Анда кеслерин Черек районну 1-чи номерли спорт школуну келечилери да кёргюзтгендиле. 

Грозныйде джиу-джитсудан Россейни чемпионаты бардырылгъанды. Анга къыралны жер-жерлеринден эки мингнге жууукъ умутландыргъан спортчу къатышхандыла. 

Черек районну жаш спортчулары кезиулю хорлам келтиргендиле. Бу кюнледе Пятигорскда боксдан халкъла аралы категориялы  судья Б.Савин атлы эришиуле болгъандыла. 

Москвада каратени киокушин тюрлюсюнден «Спорт умутла» деген аты бла Россейни биринчилиги бла чемпионаты ётгендиле. 

Дондагъы Ростовда шёндюгю пятиборьеден олимпиаданы чемпиону Андрей Моисеевни саугъаларына битеуроссей эришиу къуралгъанды.