Спорт

Ставрополь крайны Совет муниципал районуну Солдато-Александровск элинде,  Халкъны  бирлигини кюнюне жораланып, дзюдодан эришиуле ётгендиле.

Республикабызны спортчулары СКФО-ну джиу-джитсудан чемпионатында бла биринчилигинде жюзге жууукъ майдал къоллу болгъандыла.

Грецияны Лутраки шахарында грэпплингден дунияны чемпионатына 15 къыралдан 330-дан аслам спортчу къатышхандыла. Аланы араларында республикабызны келчилери да болгъандыла, ала юч алтын эмда бир доммакъ майдал бла къайтхандыла.

Черкесскни «Юбилейный» спорт арасында кикбоксингден Къарачай-Черкесни ачыкъ кубогу бла кадетлени араларында асламлы спортну фестивалы бардырылгъандыла. Алагъа Шимал Осетиядан, Къабарты-Малкъардан, Ставрополь крайдан, Ингушетиядан бла жер-жерли 250-ден аслам спортчу къатышхандыла.

Сочиде тхэквондодан «Кубок Черноморского побережья – Сириус» деген аты бла битеуроссей эришиу бардырылгъанды, анга къыралны аслам регионундан умутландыргъан спортчула къатышхандыла.

Минеральные Воды шахарда «Шахарланы сермеши» деген битероссей эршиулени чегинде дзюдодан да тюбешиуле болгъандыла. Алагъа СКФО-ну сегиз регионундан къауумла къатышхандыла, аланы хир бирине онючюшер спортчу киргенди.

Воронежде эркин тутушуудан битеулю ауурлукъ къауумда Россейни чемпионаты бардырылгъанды. Анда майдалла ючюн эллиге жууукъ эм кючлю гёжеф тутушхандыла, аланы араларында спортну халкъла аралы усталары да болгъандыла. 

Нальчикде Универсал спорт арада  Ахмед Жилетежевни хурметине  эркин тутушуудан битеуроссей эришиу бардырылгъанды. Анда эки кюнню ичинде майдалла ючюн къыралыбызны жыйырма беш шахарындан юч жюзге жууукъ гёжеф сынашхандыла. 

Нальчикни аэропортунда дунияны грепплингден чемпионатында хорлагъан гёжефлеге – Мухамед Урусовха бла Таппасханланы Исламгъа – къууанчлы халда тюбегендиле. Аэропортну аллында майданда спортчуланы жууукъ-ахлулары, тренерле, къараучула да жыйылгъандыла. Аланы спорт министрни орунбасары Заур Хежев алгъышлагъанды. 

Кёп болмай Владикавказ шахарда Россейни Аскер къол тюйюшледен союзу къурап, «Мамырлы Кавказ-2025» деген эришиу ётгенди. Анда, битеу стильли каратеден 8-9-жыллыкъланы араларында эрише, яникойчула Малкъондуланы Темирлан (37кг) бла Залимхан (35 кг) жетишимли болуп къайтхандыла.