Биринчиликни ычхындырмагъанды

26 апреля, 2024 - 17:33

Бу кюнледе Дондагъы Ростовда шёндюгюлю пятиборьядан Олимпиада оюнланы эки кере чемпиону Андрей Моисеевни саугъасына Битеуроссей эришиуле ётгендиле. Анга къыралны 10 регионундан 200-ден артыкъ 11-15-жыллыкъ жаш спортчула къатышхандыла. Къабарты-Малкъарны командасы да анда кесини кючюн кёргюзтгенди.

Къызчыкъланы къаууму бу сермешде команда зачётда биринчи болгъаны къууандырады. Энчи эришиуледе Атабийланы Малика «алтын» къытханды. Къалабекланы Азиза уа кюмюш майдал алгъанды. Атабийланы Алия да аны ызындан тохташып, «доммакъ» бла къайтханды.

Жашланы командасы да, аладан артха къалмай, биринчи жерде орналгъанды. Алада да Александр Блажко биринчи жерге чыкъгъанды. Ботталаны Дамир а ючюнчю болгъанды энчи зачётда.

Команданы тренерле Сергей Зенин, Игорь Зенин эм Владимир Теппер жарау этдиредиле.

Къасымланы Аминат.
  • 14 просмотров
Поделиться: