Спорт

Къыралны ара шахарыны аскер усталыкъланы арасында каратени бир тюрлюсюнден «Москва Златоглавая» деген жыл сайын бардырылыучу эришиуге 41 региондан 1200-ге жууукъ спортчу къатышхандыла. 

Этезланы Алана Тырныауузда жашайды. Анга эм ариу каратечи къыз дерге боллукъбуз. Бусагъатда ол жашауун жаланда спорт бла байлар умутлуду.Алананы алты жылы болгъанда, асыры чёрчекден, спортха берирге келишедиле атасы бла анасы. Аны биргесине гитче эгешчиги Эльманы да бередиле. 

Спорт, маданият, санат, чыгъармачылыкъ…жашауну къайсы жанында да инсаннга жол кёргюзтгенден, усталыкъгъа юйретген насийхатчылары боладыла. Спортчулагъа ол насийхатчылыкъны тренерлери этедиле. Хар жетишимли гёжефни жанында неда команданы башында тренер турады, аны къыйыны чексиз уллуду.

Дондагъы Ростовда эстетика гимнастикадан «Аламланы парады» деген регионла аралы эришиу бардырылгъанды. Анга  къыралны 12 регионундан 800-ге жууукъ спортчу къатышхандыла.

Отуз  россейли шахарда бла талай тыш къыралда «Ата журтну Жигитлери» деген ат бла спортну 15 тюрлюсюнден халкъла аралы эришиуле къуралгъандыла. Къабарты-Малкъарда уа каратечиле жыйылгъандыла.

СССР-ни дзюдодан бла самбодан спортуну устасы Газаланы Русланны хурметине «Нальчик» спорт арада дзюдодан командаланы араларында республикалы эришиуле бардырылгъандыла. Алагъа 2012-2013 жыллада туугъан жашладан къуралгъан 17 къауум къатышхандыла.

Эсеплеге кёре, эм кючлюлеге «Нальчик 1» къауумну келечилери саналгъандыла, экинчи жерге  «Нальчик 2» чыкъгъанды. Ючюнчюню уа «Дзюдо КБР» бла «Локомотив» къауумла юлешгендиле. Спортчуланы тренерле Залим Гаданов, Беслан бла Залим Дзуевле, Азамат Таов бла Эдик Купов юйретедиле.

Дзюдону халкъла аралы федерациясы (IJF) россейли спортчулагъа къыралларыны гимни эм байрагъы бла чыгъаргъа эркин этгенди, деп билдириледи республиканы Спорт министерствосуну официал сайтында.

Къыралыбызны шимал жаныны арасында – Архангельскде – грек-рим тутушуудан «Арктиканы кубогу» деген онекинчи халкъла аралы эришиу бардырылгъанды. Анга Россейни жер-жерлеринден алты жюзге жууукъ умутландыргъан жаш гёжеф къатышхандыла, ол санда бизни республиканы келечилери да.

Пятигорскда киокушинден «Кавказны кубогу» деген битеуроссей эришиу бардырылгъанды. 

Бу кюнледе Къазанда Аскер комсомол дружинаны жигитлерини хурметлерине студентлени араларында битеуроссей эришиу бардырылгъанды, анда республикабызны келечилери да саугъаланнганланы санына къошулгъандыла.