Спорт

Ата журтну къоруулаучуну кюнюне аталып, Нальчикде «Каисса» арада шахматладан байрам эришиу болгъанды.

Шёндю Огъары Жемталада Занкишиланы Кязимни атын жюрютген физкультура-саулукъландырыу спорт комплекс жаш тёлю аслам жыйылгъан жерге саналады. Ары жашчыкъла, къызчыкъла да сюйюп жюрюйдюле. Аны сылтауу мен мында эки къауумуну да сейирлерине келишген секцияланы жетишимли ишлегенлеринде кёреме. Дзюдо эм стол теннис бла элли сабийле бютюн сюйюп кюрешедиле. Аланы жангыдан-жангы хорламлагъа кёллендиргенле уа, сёзсюз, тренерлеридиле.

Каспийскде кикбоксингден СКФО-ну биринчилиги бла чемпионаты бардырылгъандыла, алагъа округну регионларындан 10-40-жыллыкъ мингден аслам спортчу къатышханды. Республикабызны жыйымдыкъ къауумуна 115 адам киргендиле, ала битеу да 63 майдал, ол санда 18 алтын, къытхандыла.

Бу кюнледе Нарткъалада районну Маданият юйюню келечилери Владикавказда госпитальладан биринде концерт кёргюзтгендиле. Белгилисича, ол госпитальда СВО-гъа къатышхан жашларыбыз кеслерине бакъдырадыла. 

Россейни халкъларыны бирликлерини жылына жораланнган турнир яникойчуланы бла спартакчыланы араларында «Спартак» стадионну дзюдо залында ётгенди. 

Владикавказда 21 жыллары толмагъан гёжефлени араларында эркин тутушуудан Россейни биринчилиги бардырылгъанды. Анда «Хасания» спорт арабызны келечилери жетишимли болгъандыла.            

Къартлыкъланы Борисни жашы Ибрагим боксдан кёп эришиулеге къатышханды, алада жетишимли да болгъанды. 1991 жылда   Россейни чемпионатында да хорлагъанды. 2007 жылда уа тренерлик ишге кёчгенди. Бюгюнлюкде Хасанияны 16-чы номерли школунда боксдан секцияны бардырады. Бюгюн ол редакциябызны къонагъыды.

Сыйлы тренер Л.С. Антонюкню хурметине аталып, Симферопольда миллет студент лиганы боксдан битеуроссей эришиулери бардырылгъандыла. Анга къыралны субъектлеринден 15-16-жыллыкъ спортчула къатышхандыла, ол санда республикабызны келечилери да.

Красноярск шахарда спорт тутушууну панкратион бёлюмюнден Красноярск крайны 18-20-жыллыкъ гёжефлени араларында биринчилиги бардырылгъанды. Анда бизни республикадан «Бабугент» спорт араны келечиси Аккыланы Амин, 60 килограммгъа дери ауурлукъ къауумда сермеше, эм кючлю болгъанды, Сибирь федерал округну биринчилигине къатышыргъа эркинликни да къоруулагъанды.

Бу кюнледе Кипрде каратеден Европаны биринчилиги ётеди. Анга къатышыргъа 47 къыралдан 1200 минг каратечи жыйылгъанды.