Спорт

Къартлыкъланы Борисни жашы Ибрагим боксдан кёп эришиулеге къатышханды, алада жетишимли да болгъанды. 1991 жылда   Россейни чемпионатында да хорлагъанды. 2007 жылда уа тренерлик ишге кёчгенди. Бюгюнлюкде Хасанияны 16-чы номерли школунда боксдан секцияны бардырады. Бюгюн ол редакциябызны къонагъыды.

Сыйлы тренер Л.С. Антонюкню хурметине аталып, Симферопольда миллет студент лиганы боксдан битеуроссей эришиулери бардырылгъандыла. Анга къыралны субъектлеринден 15-16-жыллыкъ спортчула къатышхандыла, ол санда республикабызны келечилери да.

Красноярск шахарда спорт тутушууну панкратион бёлюмюнден Красноярск крайны 18-20-жыллыкъ гёжефлени араларында биринчилиги бардырылгъанды. Анда бизни республикадан «Бабугент» спорт араны келечиси Аккыланы Амин, 60 килограммгъа дери ауурлукъ къауумда сермеше, эм кючлю болгъанды, Сибирь федерал округну биринчилигине къатышыргъа эркинликни да къоруулагъанды.

Бу кюнледе Кипрде каратеден Европаны биринчилиги ётеди. Анга къатышыргъа 47 къыралдан 1200 минг каратечи жыйылгъанды.

Псыгансуда, Энчи аскер операциягъа къатышханлагъа аталып, терк шахматладан эришиу къуралгъанды.

Нальчикде ММА-дан республиканы биринчилиги бардырылгъанды, анга шахарланы бла эллени спорт араларындан умутландыргъан жаш гёжефле къатышхандыла.

Билдиргенибизча, катыш единоборстволаны сюйгенлени бюгюн аламат саугъа сакълайды. Москвада АСА-200 турнирде Тюменланы Альберт бла Биберт кеси ауурлукъларында тюбешиуле бардырлыкъдыла. Альбертни Магомедрасул Гасанов бла сермеши бек магъаналыгъа саналады. Ала сыйлы бел бау ючюн сынарыкъдыла бир бирлерин. 

Сабийлени араларында дзюдодан 2025 жылны эм магъаналы эришиулеринден бири «Локодзюдо» болгъанды. Былтырны аллында башланып, аны ахыр сермешлери бу кюнледе бошалгъандыла, алада республикабызны спортчулары атларын айтдыргъанларын белгилерчады. 

Спортда озгъан жылны эсеплерин чыгъара, бек алгъа мен неде тохтаргъа сюе эдим десегиз, россейли спортчулагъа тынч-тынч халкъла аралы эришиулеге кеси къыралларыны байракълары эм гимнлери бла къайтыргъа эркин этгенлеринде.

«Локомотивге» быйылны биринчи эришиулерини – «Casablanka African Open 2026» - эсеплери чыгъарылгъандыла, анга 48 къыралдан 380-ден аслам спортчу къатышхан эдиле.