Жамауат

Былтыр Къабарты-Малкъарда жашагъанла хайырланнган электрокюч ючюн "Россети Северный Кавказ» - «Каббалкэнерго» биригиуге 9,2 миллиард сом тёлегендиле. Буруннгу жыл бла тенглешдиргенде, ол 1,3 миллиард сомгъа кёпдю. Саулай алып айтханда, хайырланылгъан электрокюч ючюн 90 процент тёлегендиле. 

Жууукъ заманда, 7 февральда, Нальчикде «Тири тиширыула. Тамбланы мурдору болгъан сынам» деген регионла аралы биринчи бизнес-форум боллукъду. Анда организацияланы башчылары жаш предпринимательле бла ушакъла бардырлыкъдыла, регионда бизнесни айнытыуну амалларын сюзерикдиле.

 Законодательствогъа кёре, счётчикни  болжалы озгъан эсе, кёк отлукъ ючюн   нормативлеге кёре тёлерге тюшерикди. Ол прибор кёргюзтгенден   иги да кёбюрек болады. Аны себепли хар адам да кеслери  анга заманында эс бурургъа эм  показанияланы билдирирге тийишлидиле. Бу жаны бла бузукълукъ этилсе,  нормативлеге кёре тёленнген ахчагъа  перерасчёт  этилмейди. 

Былтыр «Россети Северный Кавказ» - «Каббалкэнерго» биригиу тёлемегенле борчларын жабарча   арбитраж эм башха сюдлеге 1,2 миллиард сом багъасына 4 769 иск бергенди. Андан 1,17 миллиард организациялагъа эм 30,4 миллион сом да энчи иелилеге жетеди.

Россейни Жарыкъландырыу министерствосуну башламчылыгъы бла 2026 жыл къыралны билим бериу системасында «Мектепге дери окъутууну жылы» деген белги бла озарыкъды. РФ-ни премьер-министри Дмитрий Чернышенко 2019 жылдан бери федерал тутхучлулукъну себеплиги бла 1693 сабий сад ишленнгенин, ол шарт а юч жыллары толмагъан 267 мингден аслам жашчыкъгъа бла къызчыкъгъа садиклеге жюрюрге онг бергенин белгилегенди.

Адамны саулугъу бла байламлы усталыкъны сайлау не заманда да жюрек жумушакълыкъны, халаллыкъны, гитчеге-уллугъа да сагъая, жан аурута билиуню излейди. Османланы Жамиля аллай ышанлары болгъан  тиширыуду. Нальчик шахарны жукъгъан аурууладан бакъгъан больницасыны сабий бёлюмюнде медсестра болуп ишлегенли 30 жылдан артыкъ болады. 

Муаед Азубеков Элбрус районда даражасы, сыйы жюрюген адамладан бириди. Ишини юсю бла районну эллеринде терк-терк бола, алада халны иги билгенди. Районну башха оноучулары бла бирге адамлагъа болушлукъдан бир заманда артха турмагъанды. 

Пятигорскда «Россей – мени тарыхым»  музей-кёрмюч комплексде  «Ата журтну къоруулаучуларыны онглары» битеуроссей эксперт форум башланнганды. Анда энчи аскер операциягъа къатышханланы бла аланы юйюрлерин къыралны экономика жашаууна сингдириуню, аланы гитче эм орта бизнес бла кюреширге  кёллендириуню соруулары  сюзюледиле.

Жыл сайын 29 январьда Къабарты-Малкъар Республиканы  халкъ поэти,   РСФСР-ни М.Горький атлы къырал саугъасыны лауреаты, Социалист Урунууну Жигити Алим Пшемахович Кешоковну жашаудан  кетген кюню эсгертиу жумушла бардырыладыла. Ала аны атын жюрютген орамда эсгертмесини къатында митингден башланадыла. 

«РусГидро» компания къурап, алгъаракъда Нальчикде Маданиятны айнытыу арасында сабийлеге деп жыйылыу ётгенди.