|
|
Все статьи
7 марта, 2022 - 17:24
Бир тюрлю терслиги болмай, миллетибизге саулай да киши жеринде онюч жылны уллу къыйынлыкъла сынаргъа тюшдю. Кёп адамларыбыз, туугъан журтларын кёрюрге термиле, дуниядан кетгендиле. Халкъны ючден бири киши жеринде ачдан, жаланнгачдан, сууукъдан, аурууладан къырылгьанды.
7 марта, 2022 - 12:18
Сизге хапарын жазаргъа сюйген ыннам Жашыуланы Алийни къызы Ахметланы Юсюпню келини Шамсады (анга тийреде Такий деп айтыучу эдиле). Ол Кёнделенде XIX ёмюрде туугъанды. Кертиси бла да, узакъ ёмюрлю, сейир къадары болгъан тиширыу эди. XXI ёмюрде дуниядан кетгенди (жаннетли болсун).
7 марта, 2022 - 11:19
Адам жашауунда бек къыйын неда бек къууанчлы жылланы кёп заманнга унутмай турады. Малкъар халкъны эсинден кетмезлик кюнле кёп эдиле. Уллу Ата журт уруш, оккупация, кёчгюнчюлюк. Биз аланы барысын да сынагъанбыз. Аны алайлыгъын биз бу шартда да кёребиз.
7 марта, 2022 - 09:10
Совет Союзда бир-бир миллетлени зор бла туугъан жерлеринден кёчюрюу политика Уллу Ата журт урушну аллында окъуна башланнган эди. Биринчи аны ачылыгъын корейлиле, полякла, немислиле, финнле сынагъандыла.
6 марта, 2022 - 16:22
Заман тохтаусуз алгъа барады – тёлюле бир бирлерин алыша. Алай хар миллетни да жашауунда унутулмазлыкъ, ёмюрлени ахырына дери жюрекледе сакъланыллыкъ кезиуле болгъандыла. Малкъар халкъны да болгъандыла къууанчлы, жарсыулу кезиулери. Алай Кавказдан, туугъан журтубуздан зор бла Орта Азиягъа бла Къазахстаннган кёчюрюу халкъны эм уллу бушуууду.
6 марта, 2022 - 09:00
Темуккуланы Биязуркъаны жашы Борис малкъар халкъны ары дери аз сагъынылгъан тарыхын, зарфха уруп, ачыкъ этгенди. Бу кюнледе ол туугъан
кюнюн белгилейди.
5 марта, 2022 - 13:19
Тиширыуланы кюнюню аллында биз илмуда уллу жетишимлеге жетген таулу къызларыбызны эсгерирге сюебиз. Сёзсюз, насыпха, ала асламдыла. Бу жол а биз «илмуланы доктору» даражагъа жетген къауум эгечибизни атларын сюйюп сагъынабыз.
5 марта, 2022 - 12:25
Электрокючню къоркъуусуз хайырланыуну жорукъларын ангылатыу ишни чеклеринде «МРСК СК» компанияны Къабарты-Малкъарда бёлюмюню специалистлери, тюрлю-тюрлю сабий учреждениялагъа барып, алада тийишли билдириуле этедиле, къоркъуусузлукъну дерслерин бардырадыла
5 марта, 2022 - 11:42
Къууанчда, тойда эм сыйлы ашха къурманлыкъ саналады. Юлюшлени адетге кёре къонакъланы алларына салыу шапаны ишиди. Ол жумушну уа хар ким да билип къоймайды, бютюнда шёндюгю кезиуде. Аны кесим кёрюп, шагъат болуп айтама.
5 марта, 2022 - 11:33
Бир-бир тыш къыралла Россейге санкцияла салгъанлары ючюн РФ-ни Правительствосу бизнесни эмда гражданланы сейирлерин къоруулар хыйсап бла талай оноула этгенди. Тийишли законланы проектлери Къырал Думагъа (http://government.ru/news/44699/) жиберилгендиле.
5 марта, 2022 - 11:22
Хар инсанны да жамауат жашаугъа, шуёхлукъгъа юйретген, фахмусун ачыкълагъан, ёмюрлеге эсинде къалгъан жер, баям, школду. Сабийни мектепде окъугъанындан тышында, мында аны ич дуниясы къуралады, юйретген устазлары уа огъурлулукъну юлгюлери боладыла.
5 марта, 2022 - 09:00
Бу кюнледе республикабызда жашагъанла арт кюнледе бола тургъан ишле бла байламлы манга кёп соруула бередиле. Мени ниетими да сорадыла. Аны мен алгъаракълада да ачыкъ этген эдим, ол тюрленмегенди. Ол мени къаныма ата-бабаларымдан сингнгенди. Ол кесими тарыхымы, къыралымы, халкъымы аллында намысымы тюшюрмеулюкню ниетиди.
4 марта, 2022 - 13:14
Къабарты-Малкъарда муниципал магъаналы жолла мардалагъа келиширча 500 миллион дан аслам сом бёлюннгенди. Ишле жылны ахырына дери бошалыргъа керекдиле. Аны юсюнден бизге КъМР-ни Транспорт эмда жол мюлк министерствосуну пресс-службасындан билдиргендиле.
4 марта, 2022 - 13:11
Кёп болмай Къабарты-Малкъар къырал университетде илму бла технологияланы декадасына жоралап «Инженерча сагъыш эт» деген аты бла жаш инженерлени конкурсу болгъанды. Анга республиканы школчулары бла орта профессионал билим берген учрежденияланы студентлери къатышхандыла.
4 марта, 2022 - 13:06
Донбассны, ол санда Россей Федерацияны гражданлары болгъан адамланы, къоруулау энчи операцияны кезиуюнде ишчи борчларын толтура жан берген Къабарты-Малкъар Республикадан аскерчилени асырагъандыла
4 марта, 2022 - 12:59
Тюнене юч аскерчини асырагъандыла – Украинада, демилитаризация эм денацификация жаны бла энчи операцияны толтургъанда, Къабарты-Малкъар Республикадан барып аскер борчларын толтургъан кезиуде жан берген жашланы
4 марта, 2022 - 12:57
Сизни Тиширыуланы халкъла аралы кюню бла алгъышлайма! Бу кюн биз тиширыу-анагъа, юй бийчеге, юйюр от жагъаны сакълагъанлагъа уллу хурметибизни, ыразылыгъыбызны энтта бир кере билдирирге излейбиз.
4 марта, 2022 - 12:50
Бу кюнледе Тырныаууз шахарда «Геолог» спорткомплексде каратеден Къабарты-Малкъар республиканы Биринчилиги ётгенди. Ол 6-13 жыллары толгъан жаш спортчуланы араларында ётгенди.
4 марта, 2022 - 12:43
Къылкъылыла ёсген сабанланы жаз башында семиртгичле бла байыкъландырырны аллында, биринчиден битимлени халларына къараргъа керекди, деп эсгертдиле Россельхозараны Къабарты-Малкъарда бёлюмюню специалистлери
4 марта, 2022 - 12:40
Май районну прокуроруну орунбасары Алексей Антышев эр кишиге адамны ёлтюреме деп къоркъутханы ючюн ачылгъан уголовный ишни къабыл кёргенди (РФ-ни УК-сыны 119-чу статьясыны 1-чи кесеги).
Страницы
|
