Аскерчилени бушуу этип эсгергенди

Тюнене юч аскерчини асырагъандыла – Украинада, демилитаризация эм денацификация жаны бла энчи операцияны толтургъанда,  Къабарты-Малкъар Республикадан барып аскер борчларын толтургъан кезиуде жан берген жашланы.

КъМР-ни Башчысы Казбек Коков бушуу жумушлагъа къошулгъанды. Регионну оноучусу, аскерчиле Кёнделенден Бачиланы Къурманбийни жашы Алимни, Огъары Акъбашдан полицияны майору Ратмир Хабалович Кудаевни, Яникойдан Этезланы Хамидни жашы Аныуарны жууукъ-ахлуларына тюбеп, къайгъы сёз бергенди.

Кёргюзтген батырлыкълары, жигитликлери ючюн Бачиланы Алим, Ратмир Кудаев эм Этезланы Аныуар Кишиликни орденлерине тийишли болгъандыла (ёлгенден сора).

Къайгъы сёз берирге эм ёлген аскерчилени хурметлерин кёрюрге республиканы Парламентини эм Правительствосуну, ветеран организацияларыны, аскер бёлюмлени эм право сакълаучу органланы келечилери, жамауат да келгенди.