Къырал жумушланы порталында билдириуле къалай урланадыла

Ол мурат бла ала порталны ишчилерибиз, сизге озгъан жылгъа налог вычет тергелгенди деп сёлешедиле. Аны алыр ючюн а, операторгъа СМС бла келген кодну айтырыгъызны тилейдиле. Алай ол код алагъа порталда аккаунтугъузда парольну тюрлендирирге керекди, аны билгенлей ала анга кеслерини телефон номерлерин къошуп, банклада эм башха финанс организациялада сизни атыгъыз бла ахча аллыкъдыла. 

Аккаунтну къалай сакъларгъа боллукъду? «Безопасность» бёлюмде эки къатлы аутентификацияны салыгъыз («Вход с подключением» опция») эм ары киргенигиз электрон почтагъызда билинирча этигиз. Аны хайырындан, сизни аккаунтугъузгъа кирирге излеген адам болса, аны юсюнден мычымай билликсиз. Экинчиден, парольланы ышанмагъан адамларыгъызгъа айтмагъыз, аланы жангызда аманлыкъчыла сураучудула.

Аккаунтугъузгъа башха инсан киргенине ишеклигигиз бар эсе, терк окъуна паролюгъузну тюрлендиригиз эм къоркъууугъузну юсюнден порталны техника болушлукъ этиу бёлюмюне билдиригиз.