Улбашланы Ахматны хурметине – эсгериу къанга

Къашхатау элде полицияны тамата лейтенанты Улбашланы Ахматны хурметине эсгериу  ишле болгъандыла.  Ол 2005 жылда 13 октябрде  Нальчикге сауутланнган чабыуууллукъ этилгенде  ажымлы ёлген эди.   Жигитге кеси   окъугъан школда эсгериу къанга ачылгъанды. Ол кюн мектепге росгвардиячыла, Улбашланы Ахматны ишчи нёгерлери, жууукълары, устазлары, школну окъуучулары эмда администрацияны келечилери келгендиле.

«Аны жашауу къысха, алай сыйлы эди. Ол кесини халкъыны эм Ата журтуну т керти  уланы болгъанды. Ахматны атын эсде сакъларгъа эмда келе тургъан жаш тёлюге аны юсюнден билдирирге бизни борчубузду», - дегенди Росгвардияны КъМР-де управлениясында  СОБР-ны ишчиси Эльдар Т.

Бу ишге къатышханла ёлген офицерни эсгериу къангасына гюлле салгъандыла, сора бир минутну шош туруп эсгергендиле.

Россей Федерацияны Президентини буйругъу бла Ахмат борчун толтура кёргюзтген  жигитлиги ючюн Кишиликни ордени бла саугъалагъаннганды, ёлгенден сора деп билдиредиле Росгвардияны регионда управлениясындан.