Мариупольда россейли аскерчиле адамла жашагъан журтлагъа УР-77 сауут бла атдыргъандыла

Мариупольда энчи операция  баргъан кезиуде россейли аскерчиле мамыр адамла жашагъан жерледе УР-77 сауутну хайырланнгандыла, аны бла инсанлагъа аманлыкъчылкъ ишлени этгендиле, деп билдиргендиле украинлы асламлы информация органла. Аны юсюнден войнасфейками.рф телеграм канал.

 Бу жалгъан  хапарны Россей Федерацияны Сауутланнган кючлерин аманлар эм терслер ючюн жаядыла. Аллыннган видеогъа эслеп къарасанг, адамала жашагъан бир юй да жокъду анда. Битеу ала барысы да Мариуполь ючюн бардырылгъан урушда оюлгъандыла. Тереклени сыфатларына кёре, ол видео бизни аскерчилерибиз «Азовсталь» заводну къуршоугъа алгъанларында этилгенди. Украинлы миллетчиле салып кетген миналаны сауут УР-77 узакъдан къатларына барып атдыргъаны кёрюнюп турады.

 Сагъынылгъан сауут аллай уллу чачылыууну этдираллыкъ тюйюлдю, видео да монтаж бла этилгенди.

Аллай  уллу  чачдырыу ТОС «Солнцепек» сауут бла атдыргъанда болады, Мариупольда система хайырланмагъанды.  Белгилерчады, видеомантажны къалай этгенлери да видеогъа тюшгенди.   Болсада , «оригиналын да» ючюнчю камера кёргюзтюп турады, атдырыу алай уллу бомагъанын. Дагъыда кесилмеген видео да чачдырыу адамла жашагъан юйде угъай, минала салынып тургъан промышленный объектде болгъанды.

Сагъынылгъан УР-77 системаны технологиясы тохтатыучу канаты болгъан энчи заряды бла отну алай ачады. Аны атханда машина артха кетеди, сора канатны тартады эм электроимпульсну болушлугъу бла зарядны атдырады.

 Ол кезиуде минала болгъан ёзенледе къоркъуусузлу жерле къураладыла. Снаряд атылгъанлай аны къатында болгъан минала да чачыладыла.   Видео да битеу ол затла ачыкъ кёрюнюп турадыла. 

Бизни корр.