Украинаны аскери 26 россейли дронну кюйдюргенди

Украинаны Сауутланнган кючлери бир кечеге къыралны юг жанында 26 кеслери алларына атылыучу россейли дронну кюйдюргендиле  деп билдиредиле ВСУ-ну айтханларына таяна украинлы телеграм-каналла. Украинаны Ич ишле министерствосуну кенгешчиси Антон Геращенкону айтханына кёре, кёкде учхан  россейли аппаратлагъа къажау иш жетишимли барады, болсада аланы бир къаууму мамыр адамла тургъан жерлеге заран келтиредиле, деп айтылады. Бу билдириу жалгъан хапар болгъаныны юсюнден войнасфейками.рф телеграм-канал жазады.

 Быллай ётюрюк хапарланы социал сетьледе жайгъанларыны магъанасы, Украинаны Сауутланнган кючлери россейли дрон-камикадзелеге къажау ишни къыйматсыз бардыргъанлары ючюн жаядыла. Ала дронланы артиллерия бла атып тюшюребиз деп мамыр объектлеге бютюн хата келтиредиле, аны юсюнден украинлыла кеслери мындан алгъа да бир ненча кере социал сетьледе айтхандыла.

Украинаны Сауутланнган кючлери россейли дронланы чабыуууллукъ этгенлерине къажау ишни жетишимли бардыргъанларына бир шагъатлыкъ да келтиралмайдыла. Бир-бир видеосюжетледе уа  дронла кеслерини ишлерин этип бошагъандан сора кёргюзтюрге кюрешедиле. Башхача айтханда, ала белгиленнген жерге барып, атылып жумушларын этип бошагъандан сора, видеогъа алып социал сетьлеге саладыла.

Андан сора да, социал сетьледе дронланы самолетланы эм артиллерияны кючю бла  атдыргъандан сора да, ушкокла бла, не да автоматла бла атып тюшюрюрге кюрешген сюжетле иги кесек бардыла. Сёз ючюн, бу кюнледе AFP французлу агентство кёргюзтген кадрлада  россейли дрон Киевде энергетика жаны бла объектни ура турады. Алайда сюелип тургъанла дроннга автомат бла атаргъа кюрешедиле.

Алгъын Украинаны оноучулары аны кёкде учуп айланнган аппаратлагъа къажау иши тийишлисича бардырылмагъаныны юсюнден Америкада болушлукъ тилеген эди, деп чертеди войнасфейками.рф телеграм-канал.

Бизни корр.

 

Поделиться: