Депутатла энчи аскер операциягъа къатышамыдыла?

Фейк: РФ-ни Къырал Думасыны депутатлары Ата журтларыны аллында борчларын толтурургъа ашыкъмайдыла эм энчи аскер операциягъа къатышмайдыла. Бу хапарны Украинаны оппозиция телеграм-каналы билдиреди, деп ачыкълайды телеграм-канал «войнасфейками.рф»

 Россейни къуллукъчуларыны бла депутатларыны асламы Украинада бардырылгъан энчи аскер операциягъа тири къатышадыла. Аланы араларында депутат Виталий Милонов, Дмитрий Хубезов, Дмитрий Саблин эм РФ-ни  Президенти Владимир Путин Жигитликни ордени бла саугъалагъан   Сергей Сокол бардыла. Сергей Сокол Донбассха биринчи баргъан аскерчилени тизмесинде болгъанды. Шёндюгю заманда уа БАРС «Каскад» бёлюмде тасхачы взводну командириди.

- Кертисин айтханда, бир саугъа да сакъламай эдим. Сёзсюз, ол кёлюмю кётюргенди. Алай, мен бери майдалла ючюн келмегенме, - деп чертгенди Сокол.

Украиначы пропагандистле россейли политиклени халкъ бла тенг уруш бардырыргъа унамайдыла деп, терк-терк айтыучудула. Бютюнда бек аллай хапарла былтыр сентябрь-октябрь айлада бара эдиле. Алай, кертиси бла уа, чакъырыу къагъытны да сакъламай, кеслери ыразылыкълары бла энчи аскер операциягъа кетген къуллукъчула кёпдюле.