Москвада кёп функциялы аралада студентлеге повесткала бередиле

Аскерде къуллукъ этерге чакъырыу бла байламлы мобилизация    башланнганлы Москваны кёп функциялы араларында студентлеге повесткала берип башлагъандыла. Аны юсюнден оппозициялы телеграм-каналла жазадыла, деп билдиреди войнасфейками.рф телеграм-канал.

Кёп функциялы аралада мобилизация бла байламлы повесткала берилмейдиле. Аланы аскерде къуллукъ этерге деп чакъырылгъанланы юйлерине элтип, не да ишлеген жерлеринде берирге боллукъдула. Документни аскерге чакъырылгъанны къолуна бередиле. Аны шагъатлыкъ къагъыты болгъан военкоматны ишчилери, не да шёндюгю болум  бла байламлы аскер комиссарны аппаратына кирген ышаннгылы адамлары берирге боллукъдула. Кёп функциялы араны ишчилери ол саннга кирмейдиле.

Бу билдириу тюз болгъанын МФЦ-ны оноучулары да айтхандыла. Москваны къырал жумушларын тамамлагъан аралары аскер комиссариатны ишин этмейдиле. Аны юсюнден толу, не да башха билдириу бар эсе, сагъынылгъан биригиуню социал сетине жазаргъа боллукъду.

Къырал университетледе хар кюн сайын эм заочно окъугъан студентле  жарым мобилизация бла байламлы аскерге къуллукъ этерге чакъырыллыкъ тюйюлдюле. Аны юсюнден Россей Федерацияны Президенти Владимир Путин тийишли указгъа къол салгъанды.

Бизни корр.

Поделиться: