Таукенланы Карина РФ-ни Федерал антимонопольный службасында уллу къуллукъгъа салыннганды

21 августа, 2021 - 22:04

Таукенланы Маратны къызы Карина Россей Федерацияны Федерал антимонопольный службасыны таматасыны орунбасарыны къуллугъуна салыннганды. Аны юсюнден тийишли буйрукъгъа быйыл 2 августда РФ-ни Правительствосуну Председатели Михаил Мишустин къол салгъанды, деп билдиреди ФАС-ны официальный сайты. 

Таукенланы Карина реклама  эм жамауат байламлыкъла жаны бла 2006 жылдан бери ишлейди, ол санда  «Санкт-Петербургну водоканалы» эм СПБ ГУ «Транспорт къурулушну дирекциясы» деген   къырал биригиулерини таматаларыны орунбасары болуп тургъанды.

Быйылгъы жылны январь айындан тебиреп Россей Федерацияны Федерал антимонопольный службасыны жамауат байламлыкъла жюрютюу управлениясыны таматасы болуп ишлегенди. Жангы къуллугъунда Таукенланы Карина Жамауат байламлыкъла  эм Рекламагъа, бир-бирге ал бермей конкренция иш бла кюрешгенлеге контроль этиу  управленияланы ишлерине къарарыкъды.

Бизни корр.

  • 32 просмотра
Поделиться: