Кече машинаны тютюн этдирип айланнганланы къапха жыяргъа

Нальчикде Шогенцуков бла Лермонтов атлы орамла къошулгъан жерде ингирде эмда кечеде машиналада эришиуле этерге тюзелгенлеге гражданланы тарыгъыуларына къулакъ салып, КъМР-ни Транспорт эмда жол  мюлк министерствосу бла «Къоркъуусуз  республика» учреждение ол тийреде видеокамерала орнатыргъа оноулашхандыла. Камерала алайны эмда Ара парк таба баргъан жолну видеогъа тюшюрюп турлукъдула.

Бузукълукъ этгенлени машиналарын кече да бек тап кёрлюкдюле. Полициячыла да алайгъа кёз-къулакъ боллукъдула. Ведомстволада айтханларыча, келир эки жылны ичинде республиканы ара шахарында быллай камераланы санын иги да кёбейтирге умут барды.