Казбек Коков МГУ ректорун Виктор Садовничийни алгъышлагъанды

КъМР-ни Башчысы Казбек Коков Москваны къырал университетини ректоруна туугъан кюню бла байламлы алгъышлау къыгъытны ашыргъанды.

Анда былай айтылады: «Хурметли Виктор Антонович! Сизни жашауугъузда магъаналы кезиу бла- туугъанлы 85 жыл толгъаны бла байламлы жюрегимден къызыу алгъышлайма. Сизни жашау ызыгъыз Ата журтха арсарсыз къуллукъ этиуюгюз бла байламлыды. Бизни къыралда эм тышында да Сизни атажуртлу илмуну айнытыугъа уллу къошумчулукъ этген аламат устазныча эм айтхылы алимнича таныйдыла. Математика эм механика жаны бла бардыргъан илму тинтиулеригизге Россейде эм битеу дунида да тийишли багъа берилгенди.

Сиз отуз жылдан артыкъ заманны Москваны В.М. Ломоносов атлы къырал университетине башчылыкъ этесиз, аны хайырындан вуз къыралны ичинде эм игиге саналады эм халкъла аралы рейтингледе  алчы жерледе турады, халкъ мюлкге керекли тюрлю-тюрлю бийик класслы специалистлени хазырлау бла болмагъанча уллу къошумчулукъ этеди.

Университетде окъуп бошагъанла бизни уллу къыралыбызны хар жеринде да урунадыла, ол санда Къабарты-Малкъарда да.  Биз аны ючюн эмда Сизге республикагъа дайым эс буруп тургъаныгъыз ючюн жюрек ыразылыгъыбызны билдирирге сюебиз.  

Илмуда болдургъан жетишимлеригиз, чынтты профессионал болгъаныгъыз, ичигизде болгъан терен бай культурагъыз  эмда адамланы таза жюрекден сюйгенигиз россейли жамауат бла профессионал ара сизни болмагъанча  уллу даражагъа чыгъаргъандыла.

 Бу юбилей кюнюгюзде, хурметли Виктор Антонович, жюрегими теренинден сизге кийик саулукъ, монглукъ, Ата журтха,  айтхылы россейли илмуну айнытугъа жораланнган илму ишле эмда узакъ ёмюр тежейме».