Политика

Къабарты-Малкъарны Башчысы Казбек Коков республиканы битеулю билим берген учрежденияларында билим бериуню качествосун игилендириу соруула жаны бла ишчи тюбешиу бардыргъанды.

КъМР-ни Башчысы ишчи жыйылыу бардыргъанды. Анда къурулушну сорууларына, тапландырыугъа, жашау-коммунал мюлкге  эмда  Къабарты-Малкъар Республика къуралгъанлы 100-жыллыгъына хазырланыугъа къаралгъанды.   

КъМР-ни Башчысы Казбек Коков  быйыл май айда Парламентге этген Посланиясында болумла  къалай толтурулгъанларыны юсюнден жыйылыу бардыргъанды.

КъМР-ни Башчысы Казбек Коков «инвестиция сагъатны» бардыргъанды. Аны чегинде республикада тийишли инвестиция болумланы къурау жаны бла ишни баш ызлары сюзюлгендиле. Кенгешге КъМР-ни Правительствосуну Председатели Мусукланы Алий, КъМР-ни Башчысыны Администрациясыны таматасы Мухамед Кодзоков, КъМР-ни Правительствосуну Председателини биринчи орунбасары Сергей Говоров, КъМР-ни Правительствосуну Председателини орунбасары Марат Хубиев эм министерстволаны оноучулары къатышхандыла.     

Июль айда Россейни транспортчуларыны союзуну эм Сатыу-алыу эмда промышленность палатасыны  официальный изданияларыны «Жолла эм транспорт» деген журналында Къабарты-Малкъар Республиканы Башчысы Казбек Коков бла ушакъ басмаланнганды.

Прохладный эмда Май районлагъа иш бла баргъан кезиуде Казбек Коков Прохладный шахарда алтыжыллыкъ Варвара Малахованы да жокълагъанды.

Къабарты-Малкъар Республиканы Башчысы Казбек Коков КъМР-ни Правительствосуну Председателини орунбасары Марат Хубиев эм КъМР-ни саулукъ сакълау министри Рустам Калибатов бла Республикалы сабий клиника больницаны тынгылы ремонтуна жораланнган ишчи кенгеш бардыргъанды. Аны аллында Россейни премьер-министри Михаил Мишустин, сабий больницаны жангыртыуну эскиз проектин къабыл кёрюп, резерв фондну ырысхысындан аны бардырырча 124,9 миллион сом бёлюрге тийишлисин белгилеген бегимге къол салгъанды.

Казбек Коков Прохладный шахар округда, Прохладный эмда Май районлада къурулуш эмда жол ишле къалай баргъанларына къарагъанды.

Токиода ётген Олимпиадагъа къатышхан спортчулагъа Москвада къууанчлы халда тюбегендиле. Къызыл майданда бардырылгъан тюбешиуде Къабарты-Малкъарны белгили спортчусуна Мария Ласицкенеге Россей Федерацияны байрагъын кётюрюрге эркинлик бергендиле.

Ол заманда къыралны Олимпиада командасы эм алайгъа церемониягъа къараргъа келгенле бирча Россейни гиминин жырлагъандыла.

Нальчикде россейли спортчу Мария Ласицкене Токио шахарда бардырылгъан Олимпиадада алтын майдал алгъанын белгилегендиле.  

Къууанчлы жыйылыуну бардыргъанла Ласицкене бизни жерлешибиз болгъанын чертгендиле, ол бийикге секирип бардырылгъан эришиуледе аламат кёрюмдю кергюзтюп, биринчи жерни алгъанын ёхтемленип айтхандыла. 

Олимпиадалы чемпионканы хурметине жораланнган байрам концерт болгъанды, андан сора шахарны ара орамында салют да берилгенди.