Политика

Къабарты-Малкъарны Башчысы битеуроссей эм регионла аралы школ олимпиадаланы хорлагъанлагъа премияла бериуню юсюнден буйрукъ чыгъаргъанды.

Къабарты-Малкъар Республиканы Башчысыны ахча саугъаларын школчуланы араларында бардырылгъан битеуроссей олимпиаданы ахыр кезиуюнде юч алчы жерни алгъанла, окъуучуланы араларында битеуроссей олимпиаданы регион кезиуюн хорлагъан 48 окъуучу, ана тилле бла байламлы бардырылгъан республикалы олимпиадаланы хорлагъан 7 школчу эм битеу билим берген учреждениялада окъуучуланы хазырлагъан 56 устаз аллыкъдыла.

Россей Федерацияны Федеральный Жыйылыууну Къырал Думасына депутатланы сайлау  бла байламлы чыгъарылгъан кёрюмдюлеге кёре, Анатолий Бифов КПРФ партиядан депутатха айырылгъанды.

Ж. Бифов Шимал Кавказ федерал округдан юч регионну- Къабарты-Малкъарны, Къарачай-Черкесни эм Ставрополь крайны кёргюзтгенди.  Эсигизге салайыкъ, айырыула быйыл, 17 сентябрьден тебиреп, 19 сентябрьге дери бардырылгъандыла.

Къабарты-Малкъар Республиканы Башчысы Казбек Коков наркотиклеге къажау комиссияны жыйылыуун бардыргъанды, анга КъМР-ни Парламентини Председатели Татьяна Егорова, КъМР-ни Правительствосуну Председатели Мусукланы Алий, РФ-ни Президентини СКФО-да толу эркинликли келечисини баш федеральный инспектору Тимур Макоев, толтуруучу власть эм муниципал органланы оноучулары, надзор, правосакълаучу эм кюч структураланы келечилери къатышхандыла.

КъМР-ни Башчысы Казбек Коков Россейни МЧС-ни Эльбрус бийик тау излеу-къутхарыу отрядны Терс -Къолда орналгъан базасында кенгеш бардыргъанды.

Казбек Коков Эльбрус бийик тау излеу-къутхарыу отрядны келечилери бла тюбешгенди эм алагъа ыразылыгъын билдиргенди. Ала къыйын хауа болумлада беш минг метр бийикликден ёрге болгъан жерледе къыйынлыкъгъа тюше тургъан жолоучуланы излеп, табып энишге тюшюргендиле.

КъМР-ни Башчысы Казбек Коков Шимал Осетия-Аланияны Башчысын Сергей Ивановоич Меняйлону Республиканы Кюню бла эм Владикавказны Кюню бла  алгъышлагъанды. Аны юсюнден ол Инстаграмны кесини энчи бетинде жазгъанды.

«Шимал Осетия-Алания бир ызгъа эки байрамны белгилейди: Республиканы Кюнюн эм Владикавказ шахарны Кюнюн.  Регионну Башчысын Сергей Иванович Меняйлону эм битеу республикада жашагъанланы магъаналы байрамла бла  къызыу алгъышлайма.

КъМР-ни Башчысы Казбек Коков ставропольчуланы Ставрополь крайны Кюню бла алгъышлагъанды, ол жыл сайын сентябрь айны ахыр шабат кюнюнде белгилениучюдю.

«Губернаторну Владимир Владимирович Владимировну Ставрополь крайны Кюню бла таза жюрекден алгъышлайма, - деп жазгъанды Къабарты-Малкъарны Башчысы Инстаграмны кесини энчи бетинде.

Къабарты-Малкъар Республиканы Башчысы Казбек Коков Москвада Регионланы айнытыу жаны бла правительстволу комиссияны жыйылыууна къатышханды, ол Россейни Правительствосуну Председателини орунбасары Марат Хуснулинни башчылыгъында видео-конференция амал бла бардырылгъанды.

Къабарты-Малкъарны Башчысы Казбек Коков регион Правительствогъа ыйыкъны ичинде республиканы тийресинде къаты кир-кипчикни кетериу жаны бла месячник бардырыуну планыны проектин кёргюзтюрге буюргъанды. Ол жууукъ заманда регионнга контейнерле алырча 63 миллион сом чакълы бир бёлюнюрюгюн айтханды, бусагъатда тёрт минг контейнер, жюзден артыкъ кир-кипчик кетериу энчи техниканы автопаркы барды.

Къабарты-Малкъарны Башчысы Казбек Коков «муниципал сагъат» бардыргъанды. Аны ишине КъМР-ни Башчысыны Администрациясыны таматасы Мухамед Кодзоков, КъМР-ни Айырыу комиссиясыны председатели Вячеслав Гешев, биринчи вице-премьер Муаед Кунижев, КъМР-ни къурулуш эм ЖКХ министри Алим Бербеков, КъМР-ни табийгъат байлыкъла эм экология министри Шауаланы Илияс, муниципал къуралыуланы таматалары къошулгъандыла.

КъМР-ни Башчысы Казбек Коков Халкъла аралы Черкес Ассоциацияны президенти Хаути Сохроков эм тамбла Нальчикде кесини ишин башлагъан, Халкъла аралы Черкес Асоциацияны ХIII конгрессине келген делегатланы келечилери бла тюбешгенди.