Политика

Къабарты-Малкъар Республиканы Башчысы Казбек Коков Москвада РФ-ни Къырал советини Президиумуну кенгертилген жыйылыууна хазырланыу жаны бла семинар-кенгешге къатышханды. Тюбешиуге къошулгъанла Президентни администрациясыны таматасыны биринчи орунбасары Сергей Кириенко бла битеулю билим бериу бёлюмде регионланы алларында тургъан борчланы сюзгендиле.  Баш спикерле РФ-ни жарыкъландырыу министри Сергей Кравцов, РФ-ни Президентини болушлукъчусу, РФ-ни Къырал советини секретары Игорь Левитин, РФ-ни Правительствосуну Председателини орунбасары Татьяна Голикова болгъандыла.

КъМР-ни Башчысы Казбек Коков Халкъла аралы «Аскер-2021» деген аскер-техника форумну ишине къатышады, ол Россей Федерацияны Сауутланнган кючлерини «Патриот» деген аскер-патриот культура паркында бардырылады.

«Багъалы жерлешлерим! 

Барыгъызны да Россей Федерацияны Къырал байрагъыны кюню бла алгъышлайма!  

Бу байрам бизни деменгили къыралыбызны инсанларын бирикдиреди, эркинлигини  белгисине къуллукъ этеди эм россей къыраллыкъны жалынчакъсызлыгъын, бирлигин, аны кёп миллетли халкъыны ёхтемлигини кючюдю эм бирлигиди.

Барыгъызгъа да жетишим, саулукъ эм насып тежейме!  Сизге эм сизни жууукъ адамларыгъызгъа огъурлулукъ эм монглукъ!

КъМР-ни Башчысы Казбек Коков «инвестициялы сагъатны» бардыргъанды, анга къонакъ юйле ишлеу жаны бла кюрешген инвесторла къатышхандыла.   

Казбек Коков айтханнга кёре, республикада къонакъ юйлени санын кёбейтиу бюгюнлюкде  уллу магъананы тутады, нек дегенде шёндю окъуна келген туристлени орнатыу бла къытлыкъ барды.

Къыралны оноучулары ич туризмни айныууна уллу эс бурадыла. Аны бла байламлы «Туризм эм къонакъ алыу индустрия» деген миллет проект  ишлейди, Россейни ичинде жолоучулукъ этип айланнганлагъа къырал субсидияла да бериледиле.

КъМР-ни Башчысы Казбек Коков Россей Федерацияда Регионланы айнытыу жаны бла правительстволу комиссияны президиумуну жыйылыууна къатышханды. Кенгешни РФ-ни Правительствосуну Председателини орунбасары Марат Хуснуллин бардыргъанды.

Къабарты-Малкъарны Башчысы Казбек Коков шёндюгюлю пятиборье бла кюреширча кёп функциялы спорткомплексни жарашдырыу проектни бардырылыууна къарагъанды. Жангы объектни къурулуш майданында жер ишле бардырыладыла, инженер коммуникацияла тартыладыла.

Къурулуш «Демография» миллет проектни «Спорт – жашау низам» деген федерал проектни чеклеринде толтурулады. Объектни проект багъасы 270 миллион сомдан асламды. Ишле 2022 жылда декабрьде ахырына жетерге тийишлидиле.

КъМР-ни Башчысы Казбек Коков Кишпекни суу сакъланыучу жеринде болум бла шагъырейленнгенди, аны биргесине къурулуш эм жашау-коммунал мюлк министр Алим Бербеков, Нальчик шахарны жер-жерли администрациясыны башчысы Таймураз Ахохов эм «Водоканалны» таматасы Анзор Жанказиев болгъандыла.

КъМР-ни Башчысы Казбек Коков «муниципал сагъатны» бардыргъанды. Аны ишине  КъМР-ни Правительствосуну Председатели Мусукланы Алий, КъМР-ни Башчысыны Администрациясыны таматасы Мухамед Кодзоков, муниципал къуралыуланы администрацияларыны башчылары къатышхандыла. 

Жыйылыуда сёз миллет проектле къалай толтурулгъанларыны, дарман салыу  эмда жангы окъуу жылгъа хазырланыу къалай баргъаныны эм сентябрьни ал кюнлеринде белгилеучю тёрели байрам кюнлени юсюнден баргъанды.     

КъМР-ни Башчысы Казбек Коков Къабарты-Малкъар Республикада Антитеррор комиссияны бла Оператив штабны бирге бардырылыучу кезиулю жыйылыуун ётдюргенди.

 Жыйылыугъа Парламентни Председатели Татьяна Егорова, КъМР-ни Правительствосуну Председатели  Мусукланы Алий, РФ-ни Президентини СКФО-да толу эркинликли келечисини Къабарты-Малкъарда баш федерал инспектору Тимур Макоев, КъМР-ни Айырыу комиссиясыны таматасы Вячеслав Гешев, право сакълаучу ведомстволаны эм кюч структураланы, муниципал районланы администрацияларыны келечилери къатышхандыла.

КъМР-ни Башчысы Казбек Коков Къабарты-Малкъарда коронавирус инфекциядан сакъланыуну эмда аны жайылыууна контроль этиуню мадарларын толтуруу жаны бла оператив штабны кезиулю жыйылыуун видеоконференция халда бардыргъанды. Аны башлай, Казбек Валерьевич, ауругъанланы саны арт кезиуде артыкъ бек ёсмегенине, госпитальлагъа тюшгенле да азайгъанларына да къарамай,  регионда эпидемиология болум осаллай къалгъанын эсгертгенди. Ол ауругъанланы саны ёсмезча мадарла этерге, халкъгъа дарман салыуну андан ары бардырыргъа, вирусдан сакъланыуну амалларын тохтатмазгъа кереклисин чертгенди.