Наркотикле сатар умут бла

Май районда право низамны сакълагъан органла наркотиклени законсуз сатыу-алыугъа къатышхан аманлыкъчыны тутхандыла.

9 мартда  районда бардырылгъан оператив-излеу ишлени кезиуюнде МВД-ны Май районда бёлюмюню къуллукъчулары ФСБ-ны Прохладна районда  келечилери бла бирге жашагъан  алгъын жууаплыкъгъа тартылгъан  тиширыуну тутхандыла. 28-жыллыкъ аманлыкъчыны кийимлерин тинтгенде, хуржунунда къагъыт скотч бла чулгъаннган пакет тапхандыла. Анда уа порошок бла 39 чулгъам бар эди.

Тиширыу ангылатханыча, ол аны интернет бла хайырланып алгъанды. Уулу веществону Майский шахарда жаяр умутлу эди. Этилген экспертизагъа кёре, пакетде 72,98 грамм тартхан зат уулу зат эди.

МВД-ны Май районда бёлюмюнде тиширыугъа РФ-ни Уголовный кодексини 228-чи статьясыны 4-чю (уллу ёлчемледе законсуз наркотиклени сатыу-алыу) кесеги бла тийишлиликде уголовный иш ачылгъанды, деп бидиредиле КъМР-де МВД-ны пресс-службасындан.

Статьягъа кёре, аманлыкъчыны эркинлигин 10-20 жылгъа дери сыйырыргъа боллукъдула.