Жумушланы юйден чыкъмай тамамларгъа онг барды

КъМР-де МВД-ны Къырал автоинспекциясы водительлеге ведомствону эсепге салыу-экзамен бёлюмлерини жумушларын электрон халда толтурууну хайырлылыгъын ангылатады. Аланы юйден да чыкъмай,  Госуслуги порталны болушлугъу бла толтурургъа боллукъду.

УГИБДД-ны эсепге салыу-экзамен бёлюмлерине жазылыу Госуслуги порталда бардырылады. Аны болушлугъу бла жолда жорукъланы бузукълукъла ючюн тазир болгъанын бла къалгъанын билирге да боллукъду.

Очередьде сюелип,  заманны тас этмез ючюн а жашагъан жеригизде жууукъдагъы бёлюмге жазылыргъа керекди. Транспортну къырал эсепге салыу, машинаны жюрютюрге праваланы алыу неда алышыу, экзаменлени бериу дегенча сорууланы электрон аман бла кесизиге тап заманда тамамларгъа онг барды.

Заявленияны электрон халда бергенден сора, ол  очередьге салыннганыны юсюнден билдириу этилликди. Битеу бу мадарла уа къырал автоинспекторланы жумушлары бла хайырланыуну женгиллетедиле.

2022 жылда 21 февральдан сора Россейге Донецк эм Луганск халкъ республикаладан келгенле, Украинаны инсанлары, инсанлыкълары болмагъанла, болжаллы халда жашаргъа эркинликлери болгъанла, къачхынчыны статусу берилгенле,   бир журтлуларыбызны РФ-ге кеслерини ыразылыкълары бла кёчюрюу программагъа киргенле тыш къыраллы праваларын россейли документлеге  алышыргъа боллукъдула электрон халда.

Жолда жюрюуге къатышхан хурметли инсанла! Къырал автоинспекторла эсепге салыу-экзамен бёлюмню жууукъдагъы подразделенияларыны жумушлары бла хайырланыргъа боллугъун эсгертедиле. Аны Нальчикде бёлюмю Калининградская орамда 53-чю мекямда орналыпды. Ол баш кюнден байрым  кюннге дери эрттенликде 9 сагъатдан ингирде 18 сагъатха  ишлейди. Соруулары болгъанла бу телефонлагъа сёлеширге боллукъдула: 8 (8662) 96-05-26, 49-58-40.

«Баксанский» бёлюм Бахсанда Дыгулыбгей элде В.Коков атлы орамда 2-в мекямда орналыпды. Ол геуюрге эм шабат кюнледе эрттенликде 9 сагъатдан ингирде 18 сагъатха дери ишлейди. Телефонла: 8(86634) 47-117, 47-256.

«Прохладненский» бёлюм Прохладный шахарда Остапенко орамда 3-чю мекямда орналыпды. Ол геуюрге кюнден шабат кюннге дери эрттенликде 9 сагъатдан ингирде 18 сагъатха дери ишлейди. Телефонла: 8(86631) 75-871, 21-902.