Элни магъаналы жумушларын тамамлайды

Чеченланы Аминат Кичибалыкъны жер-жерли администрациясында ишлегенли отуз бир жыл болады. Элде токъсанынчы жылладан бери этилген ишлени, ол санда тюрлениулени да, иги биледи.
 
Аминат айтханнга кёре, элде 1500-ден артыкъ адам жашайды, 307 арбаз барды. Иги шартладан бири: арт кезиуде  туугъан сабийлени саны кёбйгенди. Бюгюнлюкде садикге жюзге жууукъ сабий жюрюйдю. Школда окъугъанланы саны да экишер класс болуп башлагъанды. Битеу да мектепге жюрюгенле эки жюзге жетедиле.

Аминат администрацияны баш специалистиди, ишин иги биледи, тюрлю-тюрлю къагъытланы терк да, тынгылы да жарашдырады. Алгъын совхозну иелигинде болуп, артда уа федерал ырысхыгъа кёчген жерлени артха къайтарыу жумушлагъа уллу эс бурады. Ол магъаналы иш тамамланса, жер-жерли бюдежетге да ахча тюшюп башларыгъын уста биледи.
 
Бизни корр.