Кече – жолда, кюндюз а – ариу жерледе«Кавказны жаухары» круиз поезд – энчи информация турду, аны кезиуюнде адамланы Шимал Кавказ бла шагъырейлендиредиле, мында къалай солургъа боллугъуну юсюнден билдиредиле. Туристлеге деп энчи поездде жолоучулукъ ырахатлыды, туристле кече жолда боладыла, кюндюз а жетген шахарларында неда регионларында тюшедиле, аны ариу жерлеринде къарайдыла. Жолоучулукъну болжалы жети кюндю, ахыр кюнюнде солугъанланы Минги таугъа элтедиле. Къабарты-Малкъар темир жол туризмни проектине эки жылны къатышады, регионда аны Курортла эм туризм министерство бардырады. Министерстводан эсгертгенлерича, былтыр поезд 10 рейс этгенди, аны бла жолоучулукълагъа 1600-ден аслам турист чыкъгъандыла. Аланы республикада солууларын «Путешествие» компания къурагъанды.
Поделиться:
Читать также:
28.04.2024 - 09:05 →
«Окъутуу, юйретиу ишни тамам жалчытыр ючюн хар затыбыз да барды»
27.04.2024 - 10:42 →
Онг тапдырыр орунуна...
27.04.2024 - 10:41 →
Аскерчи, актёр, ата...
27.04.2024 - 10:30 →
Таркъаймазлыкъ насып
|