|
Жангылыкъла
4 сентября, 2020 - 08:20
Къабарты-Малкъарны Эл мюлк кооперация эмда фермерлеге себеплик этиу жаны бла компетенцияланы регион арасы юч миллион сом къоллу болгъанды. Ахчаны асламысы федерал бюджетден берилгенди, аз кесегин а республиканы бюджетинден къошхандыла, деп билдиргендиле республиканы Эл мюлк министерствосундан.
4 сентября, 2020 - 08:15
Битеуроссей халкъ фронтну Къабарты-Малкъарда бёлюмюню келечилери Майский шахарны администрациясына сёлешип, анда орамлада къалгъан-къулгъанла жыйылып тургъан жерлени тазаларгъа, ачылып тургъан къуюланы башларын люкла бла жабаргъа чакъыргъандыла, деп билдиргендиле ОНФ-ни пресс-службасындан.
4 сентября, 2020 - 08:10
Бизни къыралда 2022 жылгъа битеу къырылгъан неда къуруп кетген агъачланы бары да жангыдан къуралыргъа, бу мюлкге от хар жыл сайын салгъан заранны багъасы уа юч кереге азайыргъа (32 миллиард сомдан – 12 миллиардха дери) керекди.
26 августа, 2020 - 08:02
Кёп болмай КъМР-ни къурулуш эмда жашау журт – коммунал мюлк жаны бла министри Альберт Бербеков Нальчикни 52-чи эм 19-чу номерли садиклерини мурдорларында гитче къауумлагъа ишлене тургъан яслилени къурулушлары бла шагъырейленнгенди. Ол эки объекте да ишле графикден иги да алгъа баргъанлары эмда качестволу тамамланнганлары ючюн ыспас этгенди.
19 августа, 2020 - 09:05
Бу кюнледе «Шахар тийрелени игилендириу» къырал проектни чеклеринде Чегем шахарда кёп фатарлы беш юйню арбазында тынгылы ремонт бардырылады.
19 августа, 2020 - 08:19
Къабарты-Малкъар къырал университет «Титан» корпорация бла бирге полимерлени бла композитлени экологияны излемлерине келишген тюрлюлерин чыгъарыр муратлыдыла. Аланы автомобиль, медицина, аш-азыкъ жарашдыргъан оборудованияланы ишлеуде эм промышленностьда да хайырланыргъа боллукъду.
19 августа, 2020 - 08:12
Кёп болмай «Маданият» миллет проектни чеклеринде Къара-Сууда ишлене тургъан Маданият юйню къурулушу бошала турады. Аны эки жюз адам олтурурча уллу залы, библиотекасы, жыр, актёр эм башха кружокла бардырыргъа кабинетлери бардыла.
7 августа, 2020 - 08:01
Кёп болмай Нальчикде «Зелёная компания» биригиу сабанларында татлы нартюхню оруп башлагъанды. Бюгюнлюкде аны 1,1 минг тоннасындан 1,4 миллион консерва чыгъарылгъанды.
7 августа, 2020 - 08:00
Малчылыкъда уруннганла къышха аш хазырлап кюрешедиле, деп билдириледи КъМР-ни Эл мюлк министерствосуну пресс-службасындан.
5 августа, 2020 - 08:07
Майскийде шахар кёлге шёндюгю исси кюнледе бек кёп адам барады жууунургъа. Муниципалитетни администрациясында белгилегенлерине кёре, ол ортакъгъа берилгенди. Арендатор а аны тапландырыу жаны бла аслам иш тамамлагъанды. Аны хайыры бла кёлню тёгереги таза, кёзню къууандырырча алай болгъанды. Солургъа келгенлеге, таматалагъа, сабийлеге да анда хар неда барды дерчады.
Страницы
|