Политика

КъМР-ни Башчысы Казбек Коков  Подмосковьеде Красногорскде террористлени хаталарындан ажымлы ёлгенлени эсгериуге  болжаллылы халда этилген мемориалгъа гюлле салгъанды. Террористле аманлыкъчы ишлерин 22 мартда ингирликде 8 сагъатда,jболдургъандыла.

 КъМР-ни Башчысы Казбек Коков республикада болжаллы халда адамла аслам жыйылыгъан мероприятияла бардырыллыкъ тюйюлдюле деген оноуну этгенди.

 КъМР-ни Башчысы Казбек Коков Москва областьда ёлгенлени юйюрлерине къайгъы сёз бергенди, анда уллу бушуу болгъанды-«Крокус Сити» концерт залгъа чабыуууллукъ этилгенини хатасындан онла бла адамла ёлгендиле эм жюзден аслам жаралы болгъанды.

«Бюгюн Москвада, Кремльни Андреевский залында, РФ-ни Президенти Владимир Путин ышаннгылы адамлары бла тюбешгенди. Ол тизмеге 544 адам киреди-политика эм жамауат къуллукъчула, маданиятда, искусствода, илмуда ишлегенле эм спортчула.

РФ-ни Ара айырыу комиссиясыны таматасы Элла Памфилова билдиргеннге кёре, быйыл 15-17 мартда бардырылгъан айырыулада шёндю къырал башчыбыз болуп тургъан Владимир Путин ючюн 76 миллиондан асалам адам къол кётюргенди.

Къабарты-Малкъарда Россей Федерацияны Президентин айырыула къуралыулу ётгендиле. Ыйых кюн 20:00 сагъатда регионну битеу айырыу участкалары жабылып, участка комиссияла тергеулерин башлагъан эдиле. 

Бюгюн 17 мартда республикада юч кюнню ичинде бардырылгъан Россей Федерацияны Президентин сайлау бла байламлы айырыула бошалгъандыла.

КъМР-ни Башчысы Казбек Коков Нальчикни биринчи номерли гимназиясында РФ-ни Президентин сайлау бла байламлы бардырылгъан айырыулагъа юйюрю бла къатышханды. Аны юсюнден республиканы оноучусуну пресс-службасы билдиреди.

Бюгюн 10 сагъатха Къабарты-Малкъарда Россейни Президентин  сайлау бла байламлы юч кюнню ичинде бардырылгъан айырыулагъа къол кётюрюрге эркинликлери болгъанланы 80 проценти къатышханды.  Аны юсюнден КъМР-ни Айырыу комиссиясы билдиреди.  

Элбрус районда битеу да 21 айырыу участка барды. Аладан бири Бедикни сабий садында орналыпды. РФ-ни Президентин сайлау бла байламлы къол кётюрюрге айырыу участкагъа  Ахматланы юйюр да келгенди.