Жангы ауурлукъда жангы жетишим

Билдиргенибизча, бюгюнлюкде спортну жай тюрлюлеринден Битеуроссей спартакиадала ётедиле. Алада дзюдочу жашыбыз Мисирланы Исмайыл бла Локияланы Жамболат жетишимли болуп, бизни «алтын» эм «кюмюш» бла къууандыргъандыла. Орта кюнню ингиринде уа Къазан шахардан энтта да  бир иги хапар келгенди. Арт жыллада атын иги бла айтдыра келген гёжефибиз Россейни эки кере чемпиону Шауаланы Малик эришиулени финалына чыкъгъанды.

  Эсигизге салайыкъ, бу жолгъа дери Шауа улу кючюн 79 килограммда сынай келгенди. Бу спартакиадагъа ол 86 килограммгъа дери ауурлукъ категорияда къатышады. Ол алгъын жыгъышхан категория Олимпиада ауурлукъгъа саналмай эди. Энди уа Маликге жангы онгла ачыладыла.

Бу Спартакиаданы финалына таулу жаш Дагъыстанны бла РСО-Аланияны спортчулары бла чыкъгъанды. Анда ол Артур Найфонов бла сермеширикди. Социальный сетьледе уа Шауа улуну бу ауурлукъда биринчи эришиуде окъуна кючлюлени къауумуна киралгъанын кенг сюзедиле.

Финал тюбешиуле уа байрым кюн 19.30 минутда башланырыкъдыла.