Кёплени араларында - алчыла

Тырныауузну «Геолог» спорт комплексинде ауур атлетикадан КъМР-ни биринчилиги ётгенди.  15 жыллары толмагъанланы араларында кеслерини ауурлукъ къауумларында Тырныаууздан спортчула Бийчеккуланы Малика, Хапаланы Кямран, Курданланы Эльман, нарткъалачы штангачыла Кантемир бла Астемир Готижевла, Умар Насибов, Идар Шанков (Алтуд), Денис Зобов (Бахсан), Мансур Шомахов (Жанхотия), Темирлан Эльдаров (Исламей) хорлагъандыла.

 16-17-жыллыкъланы араларында Тёбен Курпдан Кристина Кунтишева, Нальчикден Алина Малухова бла Олег Ерёмин, Нарткъаладан Алана Скрипко бла  Алим Тохов, Бахсандан Адалина Бженикова бла Али Ошхунов, Исламейден Артур Калмыков бла Астемир Балкизов, Тырныаууздан Къадырланы Махмут, Атажукинодан Мурат Жемухов биринчиле болгъандыла.

Алана Скрипко уа Россейни спортуну устасыны, Хапаланы Кямран да спортну устасына кандидатны мардаларын толтургъандыла.