Жарау этиу – саулукъгъа жолСаулукъну сакълауда физкультура энчи жерни алады, акъыртын жарау этиу окъуна узакъ ёмюрлюлюкге жол ачады. Россейлиле да арт жыллада анга аслам эс бура башлагъандыла. «Вебер» арадан билдиргенлерине кёре, адамланы араларында ала физкультура бла къаллай бир кюрешгенлерини юсюнден соруу бардырылгъанды. Аны эсеплери ачыкълагъаныча, сорулгъанланы 44 проценти ыйыкъгъа азындан бир кере жарау этерге кюрешедиле. Аланы кёбюсю залгъа, тренажёрлагъа неда жюзюуге саулукъларын кючлер мурат бла келедиле. 50-ден аслам проценти физкультураны дайым да унутмайдыла, дагъыда 57 проценти таза хауада жюрюрге сюедиле. 42 проценти кюнлерин тап къураргъа итинедиле, дагъыда 40-гъа жууукъ проценти уа аш-азыкъларына да сакъдыла. Къабарты-Малкъарны юсюнден айтханда, физкультура эм спорт бла тёрели халда 3-79-жыллыкъ адамланы 54,6 проценти кюрешедиле, ол а профильли программаны излемлерине келишеди. Спорт министр Хасанланы Ислам билдиргенича, быйыл жарау этгенлени санын 58,4 процентге жетдирирге борч салынады.
Поделиться:
Читать также:
27.04.2024 - 09:15 →
Республиканы къаууму – биринчи
27.04.2024 - 09:05 →
Каратечилерибиз – эм кючлюлени санында
26.04.2024 - 17:33 →
Биринчиликни ычхындырмагъанды
26.04.2024 - 09:30 →
Эм кючлю – республикабызны къаууму
26.04.2024 - 08:15 →
Эм ариу спортда – алчы жерле
|