Жангылыкъла

Кёп болмай Чегем шахарда «Жырлайыкъ, шуёхла» деген аты  бла аскер-патриот жыр айтыудан район аралы конкурс болгъанды. 

Бизни къыралда сотовый связь былтыр да бек тири айныгъанды. Роскомнадзорну КъМР-де Управлениясында айтханларына кёре, радиочастотный службаны специалистлери ол кезиуде РФ-де сотовый операторлада иеликде быллай связь бла жалчытхан оборудованиядан кёп къалмай 800 минги болгъанын тохташдыргъандыла.

КъМР-ни  Къурулуш эмда жашау журт-коммунал мюлк министерствосуну  жашау журтла жаны бла бёлюмюню таматасы    Астемир Аксоров айтханнга кёре, «Шахарлада 2020 жылда болумну игилендириу» деген республикалы проектни   чеклеринде  39 элде жамауат аслам хайырланнган  33  объектге эм 124 арбазгъа тынгылы ремонт этилликди.

Элбрус  районда «Шёндюгю шахар тийрелени къурауну» программасы тири бардырылады, деп билдриледи муниципалитетни администрациясыны пресс-службасындан. Былтыр анга Тырныаууз шахар, Кёнделен, Быллым эм  Элбрус элле   къатышхандыла. 

Бу кюнледе Бирлешген Арап Эмиратлада (ОАЭ) аш-азыкъны эмда къонакъ юйлеге бла ашханалагъа оборудованияны GulFood 2020 деген 25-чи халкъла аралы кёрмючю башланнганды. Ол кеси да «Аш-азыкъны магъанасын жангыдан тергеу» деген чакъырыу бла бардырылады. Анга къатышханланы бла къонакъланы шёндюгю амалла бла шагъырейленирге, ашланы татыуларын да кёрюрге, белгили специалистле эм экспертле бла ушакъ этерге онглары боллукъду.

Къабарты-Малкъарны аскер комиссариаты билдиргенича, РФ-ни Къоруулау министерствосу  фронтчуланы юслеринден не къадар кёп шартла жыяр муратда «Дорога памяти» деген проектни башлагъанды.  Ол хар инсанны да тарых магъаналы тинтиу иши боллукъду.

Элбрус тийресинде къорууланыуну музейин айбатландарыу ишле Уллу Хорламны 75-жыллыгъына жораланнган байрамгъа дери бошаллыкъдыла, деп билдиргенди маданият министрни къуллугъун толтургъан Мухадин Кумахов 2019 жылны эсеплерин чыгъаргъан ведомствону коллегиясыны тюбешиуюнде.

Уллу Ата журт уруш кёплени сабийликлерин сыйыргъанды. Жашчыкълагъа бла къызчыкълагъа заводлада, сабанлада урунургъа тюшгенди. Каскулов Къаральби къазауатны ачы кюнлерин гитчелей сынагьанладан бири болгъанды.

Кёп болмай Уллу Хорламны -75 жыллыгъыны чеклеринде бардырылгъан   «Жигитлени къабыргъасы» деген регионла аралы жаш тёлю патриот проектни чеклеринде Шалушканы 1-чи номерли орта школунда  Россейни Жигитлери -  запасдагъы генерал-майор Сергей Тулин,  сыйлы аскер лётчик Владимир Алимов, гвардияны полковниги Аркадий Корольков  эм Аскер кючлени  офицерлерини «МЕГАПИР» миллет ассоциациясыны  келечилери болгъандыла.

Быйыл Къабарты-Малкъарда «Къоркъуусуз эм качестволу автомобиль жолла» деген миллет проектни чеклеринде  республикалы магъаналы  жолланы  101 километр чакълы бирине ремонт этилликди.   Ол  былтыр бла тенглешдиргенде, 32 процентге кёпдю, деп билдириледи КъМР-ни Жол мюлк управлениясындан.