|
Билим
18 апреля, 2023 - 11:50
Бу кюнледе «Россейни устазы – психологу 2023» деген битеуроссей конкурсну регионлу уруму бошалгъанды. Быйыл ол биринчи кере бардырылып, Къабарты – Малкъарда психологланы усталыкъларын ёсдюрюрге себеплик этерикди.
14 апреля, 2023 - 08:10
Сабийлени ана тиллерине юйретиуде мектеплеге бла устазлагъа уллу жууаплылыкъ салынады. Тырныауузну В.Г Кузнецов атлы 6-чи номерли мектебини малкъар тилден бла адабиятдан бийик категориялы устазы – директорну башланнган билим бериу жаны бла орунбасары Башийланы Фарида аны сыйлы борчуна санап ишлейди. Сабийлени окъутууда болдургъан жетишимлери ючюн анга «Россей Федерацияны битеулю билим бериуюню сыйлы ишчиси» деген ат берилгенди.
13 апреля, 2023 - 13:05
Кёп болмай Къабарты-Малкъар къырал университетни архитектура, къурулуш эм дизайн институтунда «Приоритет 2030» айнытыу программаны чеклеринде карьераны кюню ётгенди. Институтну таматасы, техника илмуланы доктору, профессор Толя Хежев жыйылыугъа келген предприятияланы таматаларына, студентлеге эм коллегаларына ыразылыгъын билдире, къыйматы бла шагъырей этгенди. Сёз ючюн, былтыр институт 65 жыллыгъын белгилегенин, ол кезиуге вуз аслам жетишимлери бла махтаныргъа боллугъун да чертгенди. Бусагъатда институтда бийик эм орта профессионал билим берген юч кафедра бла дизайн колледж ишлегенин, салаулай алып айтханда, алада 900 адам окъугъаны да ачыкъланнганды.
11 апреля, 2023 - 17:10
Алгъаракълада билдиргенибизча, Нальчикни 14-чю гимназиясыны эм Экинчи Чегемни 2-чи орта школуну 11 классларыны окъуучулары Кучукланы Марат бла Дана Алакаева «Умницы и умники КБР» теле-олимпиаданы регион кесегинде хорлап, финалгъа чыкъгъан эдиле.
11 апреля, 2023 - 09:05
«Россети Шимал Кавказ» компанияны бизни республикада бёлюмюню – «Каббалкэнергону» келечилери сабий тёлюге электрокючню, аны энчиликлерини, къоркъуусузлу хайырланыуну юсюнден дерслерин терк-терк бардыра туруучудула. Бу жол да кёп болмай аллай бирин Нальчикде орналгъан «Тейри къылыч» сабий-реабилитация арада ётдюргендиле. Анда солугъан гитче тёлюге Урван районда организациядан электросетьлени келечилери келгендиле. Ала бла бирге уа Къабарты-Малкъар къырал аграр университетни «Предприятияланы энергия бла жалчытыу» факультетини экинчи курсунда окъугъан студентлени къаууму да.
10 апреля, 2023 - 14:19
Къабарты-Малкъар къырал университетни Медицина колледжини студентлери «Билим бериу» миллет проектни чеклеринде бардырылгъан «Россей Федерацияны инсанларын патриот сезимде юйретиу» федерал проектге къатышадыла.
7 апреля, 2023 - 16:55
Бу кюнледе Къабарты-Малкъар къырал университетде педагогика, психология эмда физкультура-спорт билим бериу институтну педагогика колледжини Иш бериучюле бла байламлыкъны жаны бла советини орта профессионал билим бериуде усталыкъ кадрланы хазырлау бла байламлы кенгертилген жыйылыуу болгъанды.
7 апреля, 2023 - 09:54
Россейде предпринимательствону тарыхыны юсюнден бардырылгъан Битеуроссей тогъузунчу олимпиаданы бизни республикада кесеги кёп болмай Къабарты-Малкъар къырал аграр университетде ётгенди, деп билдиргендиле вузну пресс-службасындан.
6 апреля, 2023 - 12:00
Къабарты-Малкъар къырал аграр университетни экономика эм управление факультетинде «Тюз жарашдырылгъан резюме – жетишимли карьерагъа биринчи атламды» деген ат бла юйретиу дерс бардырылгъанды. Аны республиканы Урунуу, иш бла жалчытыу эмда социал къоруулау арасыны жаш тёлюге себеплик этген бёлюмю къурагъанды, деп билдиргендиле вуздан. Сагъынылгъан Ара бла бирге бу дерсни бардырыргъа КъМКъАУ-ну Профориентация эмда выпускниклени иш бла жалчытыргъа себеплик этген арасы да къыйын салгъанды. Жыйылыугъа преподавательле, вузну келечилери да къатышхан эдиле.
6 апреля, 2023 - 09:47
Россейни къыйын болумла жаны бла министри Александр Куренков эм жарыкъландырыу министри Сергей Кравцов сабийлени къоркъуусузларын жалчытыуда кючлерин бирикдирирча келишимге къол салгъандыла.
Страницы
|