Хычыуун такъыйкъала

Шимал Осетия-Аланияны Правительствосунда «Кредо-знание» деген экинчи Шимал-Кавказ олимпиадада хорлагъанланы саугъалагъандыла. Аланы алгъышлай,  республиканы башчысы Сергей Меняйло:  «Манга  сизге бу саугъаланы берген бютюнда хычыуунду, нек десегиз сиз алагъа тийишли болгъаныгъызны  итиниуюгюз,  хунерлигигиз бла да кёргюзтгенсиз»,-дегенди.

Жашауда хар не да тынч болуп  къалмайды. Сизни уа битеу жашауугъуз алдады, мында ачыкълагъан хунеригиз кесигизге артда да жарарыкъдыла. Жетишимле  тежейме, бусагъатдача тирилей къалыгъыз, ол заманда  кёп зат тынчыракъ берилликди. Не тюрлю олимпиада, эришиу, конкурс – ала барысы да адамланы бирикдиредиле, жангы шуёхла табаргъа болушадыла», – деп, Сергей Иванович.  Къабарты-Малкъарны командасыны башчысы Астемир Гедмишховха кубокну бергенди.

Алгъышлау сёзлени дагъыда «Кредо-знание» фондну президенти Валерий Дмитриевич Дзгоев бла РАН-ны Владикавказда илму арасыны илму башчысы профессор Анатолий Георгиевич Кусраев да  айтхандыла.