Къурулуш соруулагъа къарагъан штабны жыйылыуу болгъанды

КъМР-ни Башчысы Казбек Коков къурулуш соруулагъа къарагъан штабны жыйылыуун бардыргъанды, анда сё зол жаны бла магъаналы объектлени жангыртыуну эм тынгылы ремонт этиуню юсюнден баргъанды. 

 Жыйылыугъа КъМР-ни Правительствосуну Председатели Мусукланы Алий, аны биринчи орунбасары Муаед Кунижев, КъМР-ни транспорт эм жол мюлк министри Аслан Дышеков, КъМР-ни къурулуш эм жашау журт коммунал-мюлк министри Алим Бербеков къатышхандыла.

Алим Бербеков этген билдириуге кёре, шёндюге сегиз тынгылы объект хайырланыргъа берилгенди. Бахсанны алтынчы эм онунчу мектеплерини школгъа баргъынчы дери 60 жерлери болгъан сабийле тургъан бёлюмлери, Ташлы-Талада бла Жангы Малкъарда битеу да 120 жери болгъан ясли бла сабий сад, «Вольный аулну» «Нарт» районуда 140 жери болгъан сабий сады, Аушигерде бир сменагъа 90 адамны алырча амбулатория эм Солдатская станицаны шимал жанында суу чыгъаргъан скважина эм Пролетарскоеде да жангы скважина хайырланыргъа берилгендилеле.

 Жыйылыуда айтылгъаннга кёре, жылны ахырына дери 11 тынгылы къурулуш объектде иш тамамланып бошаргъа керекди. Нарткъалада бла Куба элде 500 жерлери болгъан мектепле, Прохладныйде 785 жери болгъан жангы школ, Солдатскоеде 140 жери болгъан сабий сад, Дыгулыбгейде жангыртылгъан поликлиника, Нальчикни жангы микрорайонларында инфраструктура объектле эм Заюковода бла Жангы-Хамидиеде от тюшюуге къажау депола жангыртыллыкъдыла эм ишленирикдиле.

 Андан сора да Сармаково, Эски Черек эм Кёнделен элледе суу баргъан быргъыланы алышындырыу бла байламлы къурулуш эм жангыртыу ишлеге хазырланыу башланнганды.

 Аслан Дышеков жууукъ заманда Чегем автомобиль жол беш кёпюрю бла бирге эм Огъары Курпха баргъан жол да хайырланыргъа берилликди. Ол дагъыда Чегем автомобиль жолгъа Хушто-Сыртдан Булунгугъа дери баргъан участокну ремонтуна къошакъ халда ырысхыла излене тургъанын билдиргенди.

Жыйылыуда  белгиленнгенине кёре, Нальчикде жоллагъа ромонт этиу ишле андан ары бардырыллыкъдыла. Дагъыда Къабарты, Калмыков, Нахушев, Пятигорская, Руставели, Мазлоев  эм Осетинская атлы орамла тийишли мардалагъа келтирилликдиле. Ол орамлада белгиленнген ремонт ишле башха жерледе бардырылгъанча комплексли халда этилликдиле, башхача айтханда, асфальт салынырыкъды, чыракъла жанарча боллукъдула, жашиллендириу, тротуарланы эм жамауат транспорт тохтаучу жерлени ишлеу, светофорланы алышындырыу, жол белгилени салыу эм башха затла тамамланырыкъдыла, деп билдиргендиле республиканы оноучусуну пресс-службасындан.