Грантла алыр ючюн 85 проект жиберилгенди2022 жылда Къабарты-Малкъарда туризмни айнытыу бла байламлы конкурсха 85 проект жиберилгенди. Къараугъа битеу да 105 заявка келген эди, алагъа кёре 478 миллион сом изленнгенди. Эм кёп заявка Черек райондан (34) ийгендиле, Нальчикден, Элбрус эм Чегем районну предпринимательлери да тири болгъандыла. Юч заявка Прохладна райондан, Зольскдан да бири алыннганды, деп билдиреди республиканы Курортла эм туризм министерствосуну пресс-службасыны башчысы Ольга Погребняк. Грант конкурсну юсюнден толу информация министерствону сайтында жазылгъанды, анга къатышыргъа онг 10 кюнню ичинде – 30 июньдан башлап 9 июльгъа дери – боллукъ эди. Ведомствону 129-чу номерли буйругъуна тийишлиликде заявкаланы реестри тохташдырылгъанды. Анга келишгенлери артда жюрини къараууна жиберилгендиле, эм кёп балла жыйгъанла хорлагъандыла, хар жаны бла конкурс комиссия протокол жарашдыргъанды.
Поделиться:
Читать также:
26.04.2024 - 16:46 →
Черек жагъала таза болурча
26.04.2024 - 09:55 →
Газет -заманны кюзгюсюдю
26.04.2024 - 09:05 →
Бахчаларында - кезиулю ишле
24.04.2024 - 16:43 →
Ангылатыу
24.04.2024 - 09:13 →
Халкъ бла байламлы магъаналы жумушха уллу кёллю болмайыкъ
| ||
