Усталыкъ сайларгъа эм урунургъа болушадыла

Кёп болмай Къабарты-Малкъар къырал университетде жаш адамлагъа урунургъа эм  усталыкъ сайларгъа болушхан  «Россейде иш. Тап онгланы заманы» деген  битеуроссей ярмарка болгъанды. Бу жол анга юч жюзден аслам студент къатышханды. Ол вузгъа киргинчи хазырлау эм усталыкъ сайларгъа болушуу  управлениясыны  башламчылыгъы бла  ётгенди. Чакъырылгъан къонакъланы арасында республиканы  федерал инспектору  Тимур Кочесоков эм  Урунуу эмда социал къоруулау министерствону келечилери да бар эдиле. 

Мында Къабарты-Малкъарны эки жыйырма биригиуюнден бла организациясындан  1200 ишчи жер кёргюзтюлгенди. Аланы келечилери жаш адамлагъа  ишни, айлыкъны, социал гарантияланы эм башха затланы юсюнден да билдиргендиле.  Сорууларына жууапла да  бергендиле.

Кёрмючге   билим бериу учрежденияланы, маданият араланы келечилери да къатышхандыла эм къараучуланы жетишимлери бла шагъырейлендиргендиле. 

Аны чеклеринде беш жюзден артыкъ школчу университетни сынамлы специалистлери бла  преподавательлеринден  тийишли эсгертиуле алалгъандыла. Быллай тюбешиулени хайыры бла жаш адамла  жашау жолларын игирек ойларгъа, бир тюрлю усталыкъгъа таукел болургъа онг табадыла. 

Окъуучулагъа университетге кирирча онгланы ангылатхандыла,   къаллай усталыкълагъа окъутханларын,  бюджет жерлени, диплом къоллу болгъандан сора урунургъа болушууну, студентни жашаууну эм башаха сейир шартланы юсюнден   юсюнден хапарлагъандыла.  Школчулагъа деп студентле усталыкъладан билдирген матер-классла да ётдюргендле.

Эсге сала айтсакъ, быйыл КъМКъУ жангы окъуу жылда абитуриентле алыргъа хазырды. Аны юч жюзден артыкъ  программасы, онбир  институту, тёрт  колледжи эм  медицина академиясы барды. Ол себепден жаш адамланы кеслери бюсюреген усталыкъ тапмай къаллыкъ тюйюлдюле.