Эл мюлк техниканы жангыртдыла

Къабарты-Малкъарны эл мюлк  бёлюмюде уруннганла быйыл 54  жангы техника къоллу болгъандыла. Регионну Эл мюлк министерствосундан билдиргенлерине кёре, ол былтырны кёрюмдюсю бла тенглешдиргенде, эки кереге кёпдю.

Жангы техниканы санында кёп тюрлюлери барды. Сёз ючюн, 46 – трактор, 6 - мирзеу оргъан комбайн эм 2 башха техника. Бюгюнлюкде предпринимательле лизинг халда сатып алыр онгну да тири хайырланадыла. Алай бла 17 энчи техника алыннгынды, ол санда «Росагролизинг» биригиуден онбири. 

Республикада эски техника паркларын жангыртырча иш тири барады. Анга кёре 2019-2023 жыллада мюлкле 658 чакълы тюрлю-тюрлю техника къоллу болгъандыла. 

Эсге сала айтсакъ, регион арт беш жылда Шимал-Кавказ федерал округда техника бла жалчытылыныу бла биринчи жерни алады. Ол шарт жерчиликде уруннганла техниканы бар тюрлюсю бла сылтаусуз болгъанларын ачыкълайды. Андан сора да, аланы дайым жангыртыла баргъанлары уа бёлюмню айнытыугъа уллу къошумчулукъ этедиле.