Солугъанланы къонакъ юйледе алдатмазча

Россейде къонакъ юйлени цифра паспортлары жарашдырыллыкъдыла, аланы болушлукълары бла солугъанла къонакъ юйлени юслеринден толу информацияны алаллыкъдыла эм аланы юслеринден кеслерини оюмларын жазаллыкъдыла. Аны юсюнден Къырал Думаны жыйылыуунда Росаккредитацияны башчысы Назарий Скрыпник билдиргенди.

- Юлгюге, адамла Владивостокдан Кърымгъа келедиле, ала турлукъ къонакъ юйде бассейн барды деп, жетгенлей а – бассейн да, зат да жокъ. Бирча излемле болургъа тийишлидиле, инсан солургъа баргъанда аны не сакълагъанын билирге керекди, туристлени алданыудан сакъларгъа тийишлиди, - дегенди ол. 

Алай бла,  цифра паспортда къонакъ юйге ненча «жулдуз» берилгени, ол солуу жерлени къайсы къауумуна киргени, отоуларыны саны, анда къаллай жумушла тамамланылгъанлары, документлерини копиялары, адреси, юридический шартлары, сайты эм телефонлары жазыллыкъдыла. Борчлу халда сакъат адамлагъа къаллай онгла къуралгъанларыны юсюнден да билдириу болургъа керекди.