Казбек Коков жолланы халларына къарагъанды

КъМР-ни Башчысы Казбек Коков регион магъанасы болгъан Аргудан-Александровская жолну халына къарагъанды, ол Россейни жол инфраструктурасына кирген къауумуна къошулгъанды.

Бу жолну уллу социал магъанасы барды, нек дегенде республиканы Лескен, Урван, Терк, Май районларын бирге къошады. Былайда автомашиналаны жюрюулери кёпдю эмда къоркъуусузлукъну жалчытыуу бла магъаналы жерге саналады.

Ол тийреледе жашагъаналадан къауум кере жолну тап халгъа келтириуню юсюнден тилекле бола тургъандыла. Ол объект «Къоркъуусуз автомобиль жолла» деген миллет проектге киреди, анда бюгюнлюкде комплексли къурулуш ишле бардырыла турадыла. Бу объект экиге бёлюнюпдю, аны тёрт километри август айны аягъына хайырланыргъа берилликди.  Жолда асфальт алышынырыкъды, тротуарла салынырыкъдыла, трассада жангы светофорла орнатыллыкъдыла. Экинчи участокну жангыртыу, аны узунлугъу 12, 5 километрди, эки кезиуге бёлюнюп бардырыллыкъды. Къурулуш ишле быйылгъы жылны башында башланырыкъдыла.

Жолну ишлеген кезиуде шёндюгюлю, иги кесек заманнга чыдагъан материалла хайырланыллыкъдыла, трасса тросла бла экиге бёлюнюрюкдю, асфальтда белгиле термопластикден боллукъдула, башха инфрастуктура да тийишлисича жарашдырыллыкъды. Бек башы - жол тапландырыллыкъды эм къоркъуусуз боллукъду, деп билдиреди КъМР-ни Башчысыны бла Правительствосуну пресс-службасы.