Кёп сабийли аналагъа себеплик

Быйыл Къабарты-Малкъарда кёп сабийли 802 ана пенсиягъа чыкъгъандыла. Аладан 48-си – беш, 151-ри – тёрт эм 603-сю юч сабийлери болгъанладыла. Аны юсюнден бизге РФ-ни Социал фондуну пресс-службасындан билдиргендиле.

- Эсге сала айтсакъ, юч неда тёрт сабийлери болгъан тиширыула пенсиягъа 57 эм 56 жылларында чыгъаргъа эркиндиле. Беш неда андан кёп ёсдюргенле уа 50 жылларында окъуна солургъа чыгъаллыкъдыла. 

Социал фондну бёлюмюнде пенсияланы алгъадан жарашдырып башлайдыла.  Ол себепден келир  заманда этиллик тёлеулени  юсюнден толу хапар билирге сюйген ОСФР-ни клиентлерини службасына келирге  керекди.   Кёп сабийли анагъа болжалдан алгъа пенсия берилирча аны аналыкъгъа эркинлиги сыйырылмазгъа неда ол сабий алып ёсдюре эсе, аны артха къайтаргъан шартлары болмазгъа тийишлидиле. Пенсиягъа быйыл чыкъгъанлагъа уа, эм азындан онбеш жыл стаж неда 25,8 коэффициент керекди.