Жигитлеге таплыкъгъа

15 апреля, 2023 - 08:10

2023 жылны 1 январындан башлап Россейни Жигити эм Урунуу Жигити деген атла аталгъан инсанлагъа ай сайын берилиучю тёлеуле заявлениясыз тохташдырыллыкъдыла. 

Аллай адамла энди  шагъатлыкъ къагъытланы фондха келтирирге керек тюйюлдюле. Аланы юслеринден шартланы тийишли органла бла организацияла жибередиле. Юч ишчи кюнню ичинде инсаннга тёлеу келип башланырыгъыны юсюнден билдириу келликди. 

Алгъа жыллада бу тёлеулени алыр ючюн шагъатлыкъ документле изленнгендиле. Бусагъатда ала жангызда тийишли организацияладан билдириуле фондха жетмеселе соруллукъдула. 

Совет Союзну бла Россейни Жигилери, Махтаулукъну орденини толу кавалерлери 2023 жылны 1 февралындан башлап 83 496,41 сом аладыла, Социализм Урунууну бла Россейни Жигитлери уа - 61 566,28 сом. Алагъа ахчаны неда льготаланы сайларгъа эркинлик да бериледи, бу жумушну къырал жумушланы порталында толтурургъа боллукъду.

Кульчаланы Зульфия.
  • 25 просмотров
Поделиться: