Мирзеуден аслам жыйылгъанды

23 августа, 2022 - 08:33

Республиканы аграрийлери къылкъылыланы  оруп бошагъандыла. КъМР-ни Эл мюлк министерствосундан билдиргенлерича, быйыл ала 66 минг гектарда ёсдюрюлген эдиле. Тергеулеге кёре битеуда 236 минг тонна мирзеу жыйылгъанды.  Бир гектардан орта эсеп бла  35,8 центнер. Ол  былтыргъы кёрюмдюден 2-2,5 процентге игирекди.

Жерчиликде къармашханла  нартюхню кёбюрек ёсдюредиле. Бизни республикада ол баш жерни алгъан  битимди. Быйыл кеси да 137,5 минг гектарда ёседи. Аны жыйыу а бу айны ахыр кюнлеринде башланыучуду.

Улбашланы Мурат.
  • 28 просмотров
Поделиться: