Бизнесге не жаны бла да себеплик этергеКёп болмай Къабарты-Малкъарны бизнес-инкубаторунда республиканы прокурору Николай Хабаров Нальчикни предпринимательлери бла тюбешгенди. Аны юсюнден бизге КъМР-ни Экономиканы айнытыу министерствосуну пресс-службасындан билдиргендиле. Жыйылыугъа экономиканы айнытыу эм эл мюлк министрле Рахайланы Борис бла Хасан Сижажев, предпринимательлени эркинликлерин къоруулау жаны бла уполномоченный Юрий Афасижев, налогла службаны бёлюмюню таматасы Аслан Губачиков, толтуруучу власть органланы, муниципалитетлени, жамауат биригиулени келечилери, предпринимательле эм башхала къытышхандыла. Николай Алексеевич, предпринимательстволукъ жаны бла прокуратураны ишини юсюнден хапарлай, бюгюнлюкде, санкцияланы кезиуюнде, бизнесге аз ауурлукъ салыныргъа кереклисине энчи эс бургъанды. Ол айтханыча, предпринимательлени эркинликлерин сакълау бла байламлы законодательство тийишли халда толтурулурча надзор ишлени кезиуюнде, быйыл жылны биринчи жарымында прокуратураны келечилери бла 1100-ден артыкъ бузукълукъ ачыкъланнганды. Аланы къысха заманда кетерирча 43 протест бла 237 представление этилгенди. Бузукълукъланы асламысы контроль органла законодательствогъа уллу кёллюлюк этгенлеринде эм бизнесге болушлукъ тапдырырча борчларын толтурмагъанлары бла байламлы болгъанды. Тюбешиуде предпринимательле бюгюнлюкде экономикагъа къыйын кезиуде, тюберге тюшген проблемаланы юслеринден да сагъыннгандыла. Сёз ючюн, налог, кредит жумушла, кадрланы къурау, тарыгъыуланы бла даулашланы кетериу эм башхала кётюрюлгендиле. Ахырында сагъынылгъан жумушланы тамамларгъа болушлукъ тапдырыллыгъы айтылгъанды эм алагъа тынгылы къаралырча министерствола бла ведомствола тийишли эсгертиуле да этилгендиле.
Поделиться:
Читать также:
02.04.2024 - 09:15 →
Тыш къыралла эмда башха регионла бла байламлыкъла кюч ала барадыла
01.04.2024 - 08:50 →
Гитче эмда орта бизнесни магъанасы уллуду
30.03.2024 - 12:00 →
«Не къыйын кюнде да сайлауума сокъуранмагъанма»
30.03.2024 - 08:50 →
Инвестициялагъа – энчи эс
05.03.2024 - 09:28 →
Инфляция азая барады
|