Жаныуарлагъа вакциналадан къытлыкъ боллукъ тюйюлдюЖаныуарланы аурууладан бакъгъан тыш къыраллы вакциналаны кёп къалмай бар тюрлюлери Россейни кесинде да чыгъарыладыла. Бу сферада импортну толусунлай алышыу борч бюгюнлюкде жокъду. Аны юсюнден Санкт-Петербургда алгъаракъда бардырылгъан экономика форумда Россельхознадзорну башчысы Сергей Данкверт айтханды. «Кертиси алайды: бизни къыралда аллай вакциналаны аслам тюрлюсю чыгъарылады. Аутогенный вакциналаны (ауруу жайылып башлагъан кезиуде этилген) жарашдырыу жаны бла уа Россейни бек уллу онглары бардыла», - дегенди ол. Данкверт оюм этгеннге кёре, Россейде тыш къыралладан келтирилген вакциналаны хайырланыу тёреге нек айланнганды десегиз, ала игиге саналгъанлары ючюн. «Ол кеси да аланы маркетологлары бизни ветеринар врачларыбызны багъалы курортлагъа жюрютюп, бек кючлю реклама кампанияла бардырып тургъанлары ючюндю. Аллай жолоучулукъладан сора уа врачла аланы вакциналарына кёчюп тебирегендиле», - деп чертгенди ведомствону башчысы. Къалай-алай болса да, кесибизде чыгъарылгъан иммунобиология препаратлагъа сурам арт кезиуледе иги да ёсгенди. Ол кеси да Россельхознадзор, Россейде компанияла бла бирге, ветеринарланы араларында ангылатыу ишни тынгылы бардырып башлагъанлары бла байламлыды. Импортну толусунлай алышыу борч салынмагъанын белгилегенди Данкверт. «Кесибизде производство тышында болумлагъа къарамай айнырча этерге тийишлиди. Ол а бизни къолубуздан келликди», - деп чертгенди.
Поделиться:
Читать также:
26.04.2024 - 16:59 →
Хар усталыкъны да кесини жашырынлары бардыла
26.04.2024 - 14:51 →
«Къыйын болумлагъа тюшген сабийлеге болушлукъ этиу баш борчларыбыздан бириди»
26.04.2024 - 14:49 →
Элни аллында ыспасха, хурметге да тийишли бола
26.04.2024 - 09:45 →
Эл айнытыуну жолу бла барады
25.04.2024 - 17:45 →
«Тизгинсизликди аланы жайылыуларыны баш сылтауу»
|