Аслам жангы школ ишленирикдиЖангы школла ишлерча Россейни Правительствосуну оноуу бла Къабарты-Малкъар Республикагъа 8 миллиард сом чакълы бир бёлюннгенди. 2024 жылны ахырына дери республикада къошакъ халда энтта 8 школ ишленирикди 5 150 жерлери бла. КъМР-ни Башчысы Казбек Коков КъМР-ни жарыкъландырыу, илму эм жаш тёлюню ишлери жаны бла министри Анзор Езаов бла бардыргъан ишчи тюбешиуню чегинде РФ-ни Правительствосуну буйругъун жашауда бардырыу жаны бла планла сюзюлгендиле. Ырысхы бёлюуню юсюнден документге РФ-ни Правительствосуну Председатели Михаил Мишустин къол салгъанды. Субсидияла «Билим бериуню айнытыу» къырал программагъа кёре бериледиле. «Бек башы, Президентибиз Владимир Владимирович Путинни башламчылыгъы бла къуралгъан программагъа кёре, школ билим бериуню кенглигин эм качестволугъун игилендириудю», – деп чертгенди регионну таматасы. Тюбешиуде эсеп къырал аттестациягъа хазырланыу да сюзюлгенди. Дагъыда билим бериуню качестволугъу, ол санда устазланы профессионал хазырлылыкъларыны даражасын ёсдюрюу бла байламлы соруулагъа да энчи къаралгъанды.
Поделиться:
Читать также:
24.04.2024 - 17:32 →
КъМР-ни Башчысы Казбек Коков Нальчикде ишлене тургъан поликлиниканы жокълагъанды
22.04.2024 - 08:30 →
«Депутатха туугъан журту ючюн къайгъыргъан адамла келедиле»
16.04.2024 - 12:39 →
Биринчи поликлиника жылны экинчи жарымында хайырланыргъа берилликди
12.04.2024 - 08:57 →
Жаш адамлагъа – не жаны бла да онгла
11.04.2024 - 14:13 →
Нальчикде террорчулукъгъа къажау болум кетерилгенди
|