ГЭС-ле чурумсуз ишлейдиле

4 мая, 2022 - 12:02

"РусГидро» компанияны Къабарты-Малкъарда бёлюмюнде быйыл биринчи кварталда ишлерини эсеплерин чыгъаргъандыла. Саулай айтханда, ГЭС-лени бары да бу кезиуде 42,06 миллион киловатт-сагъат электрокюч бергендиле. Алгъын жылла бла тенглешдирсе, ол орталыкъ кёрюмдюге саналады.

Суула кётюрюлюр кезиуге хазырланыуну чеклеринде станциялада кезиулю эмда тынгылы ремонт этилгенди. Специалистле Огъары Малкъарда, Къашхатауда эм Зарагижде ГЭС-леде бирер гидроагрегатны жангыртхандыла. Быллай ишлени ала асламысында ноябрьден башлап, мартха дери тындырадыла. Аны хайырындан гидроагрегатла, башха оборудование да чурумсуз, ышаннгылы ишлейдиле.

Биринчи кварталда бёлюм налогла бла 217,2 миллион сом тёлегенди. Ол санда республиканы бюджетине 99,7 миллион сом жибергенди.

Эсге сала айтсакъ, «РусГидрону» Къабарты-Малкъарда сегиз гидроэлектростанциясы барды. Ала бары да 198,1 МВт электрокюч чыгъарадыла.   

 

Омарланы Мурат.
  • 19 просмотров
Поделиться: