|
|
Все статьи
8 октября, 2021 - 11:31
Элни, тукъумну, миллетни да атын ариу бла айтдыргъанла кёпдюле жамауатда. Кёнделен эл да аллай адамла бла байды. Бирде алай сагъыш этеме, ала Чегем ауузундан, Бахсандан келип къурагъандыла жангыдан кёп кере жашауу ёчюлген элни. Алай келип, жангы жерде орналып, тамыр иер ючюн таукеллик, кишилик, тирилик да керекдиле. Бу ышанла уа хар кимде да табылып бармайдыла. Кеслерине ийнаныулары, талпыныулары бла аламат таулу эл къурагъан аталарына ушагъандыла аланы ызларындан келгенле.
7 октября, 2021 - 18:24
Жылла, адамла, къадарла… Жашау а тохтаусуз баргъанлай турады. Аны тирмен сууу кёплени алгъанды, алай бийик фахмулулукълары бла айырмалы инсанларыбыз а эсибизде жашагъанлай турадыла. Бюгюн биз да жашаууну асламысын халкъыны миллет тепсеулерин айнытхан, аны маданиятына уллу къошумчулукъ этген, КъМР- ни халкъ артисти, «Кабардинка» академиялы къырал тепсеу ансамбльни солисти, «Асса» сабий юлгюлю ансамбльни художестволу башчысы болуп тургъан Сотталаны Къаншауну сагъыныргъа сюйгенбиз.
7 октября, 2021 - 17:35
Багъана – мал такъгъан чыпын неда кёпюрню юсюне, мекямны башына салыннган, аркъауланы кётюрюп тургъан чигинжи. «Эгечден туугъан келсе, юйню ара багъанасы къымылдар», - деп айтылады нарт сёзде
7 октября, 2021 - 17:21
Къабарты-Малкъарны Башчысы Казбек Коков республиканы тийресинде коронавирус жукъгъан аурууну жайылыууна къажау чеклениу амалланы кючлендириуню юсюнден указгъа къол салгъанды. Указ 2021 жылда 11 октябрьде кючюне киреди.
7 октября, 2021 - 17:18
КъМР-ни Башчысы Казбек Коков Къоркъуусузлукъ жаны бла координация кенгешни Пятигорскда Рф-ни Президентини СКФО-да толу эркинликли келечиси Юрий Чайканы башчылыгъы бла видеоконференция халда бардырылгъан жыйылыууна къатышханды. Анда Шимал-Кавказ федерал округну регионларында миллет проектлени толтуруу къалай баргъанына къаралгъанды.
7 октября, 2021 - 15:29
Кёп болмай Нальчикни 4-чю номерли гимназиясында «Кванториум» сабий технопарк ачылгъанды. Ол бу жол мектепни мурдорунда биринчи ачылады, ары дери уа анга жаланда «Кюн шахарда» жюрюрге онг болгъанды.
7 октября, 2021 - 15:24
Къабарты-Малкъарда бизнес бла кюреширге сюйгенлеге болушлукъ тапдырырча агротехнопарк бла женгил промышленностьну кластери къураллыкъды. Ол амал предпринимательлеге закон бла ишлерча себеплик этерикди.
7 октября, 2021 - 15:19
Быйыл Къабарты-Малкъарда кёкшуу ёсдюрюлген жерле 100 гектаргъа жетдирилгендиле. Былтыр а ол жаланда 56,5 гектарда битгенди. Аны баш сылтауларындан бирлери иги кесек тирлик бергениди. Сёз ючюн, орта эсеп бла алып айтханда, бир гектардан 160 центнер тирлик чыгъады.
7 октября, 2021 - 15:14
Кёп болмай Терс-Къолда «Демография» миллет проектни чеклеринде къыралда бек бийик тау жерде орналгъан «Мечта» садик «Дирекция «Школа-2025» учреждение чыгъаргъан журналда аллай сейир махкемелени тизмесине къошулгъанды.
7 октября, 2021 - 09:00
Къабарты-Малкъар 46 россейли субъектни санында кир-кипчикни башха-башха жыярча орунла сатып алыргъа 64 миллион сом чакълы аллыкъды. Тийишли бегимге РФ-ни Правительствосуну Председатели Михаил Мишустин къол салгъанды.
7 октября, 2021 - 09:00
Кёнделенни къуралыууна, жамауат болуууна да къыйын салгъан тукъумладан бирлери Махийларыдыла. Ала Холамдан келгендиле ары. Аланы араларында юлгюге келтирирчала бардыла: Жанмырзаны, Муратны юйюрлери. Биринчини беш жашындан тёртюсюн таныгъанма да, аланы сюйюп эсгереме.
6 октября, 2021 - 20:31
Коронавирус инфекциядан ауругъанланы хакъсыз дарманла бла жалчытыугъа регионлагъа 5,1 миллиард сомдан артыкъ жиберилликди. Къабарты-Малкъар ол жумушха 27 миллион сомдан аслам аллыкъды. Аны юсюнден тийишли буйрукъгъа РФ-ни Правительствосуну Председатели Михаил Мишустин къол салгъанды.
6 октября, 2021 - 20:29
КъМР-ни Башчысы Казбек Коков кезиулю «муниципал сагъатны» бардыргъанды. Анда республиканы социал-экономика айныууну 9 айгъа эсеплери чыгъарылгъандыла, федерал эмда республикалы проектле бла программала къалай толтурулгъанларына къаралгъанды эмда коронавирус инфекцияны жайыла барыууна къажау мадарла белгиленнгендиле.
6 октября, 2021 - 18:13
Бизни республикада А-158 трассаны Алтуд элни ичинде бешкилометрлик кесегине белгиленнген болжалындан алгъа тынгылы ремонт этилгенди.
6 октября, 2021 - 18:03
«Азатлыгъы болмагъан бла насыбы къуругъан бирди, – деп сагъыш этеди Рамазан. – Ма ол себепден аланы, тас этсенг, жангыдан арымай-талмай излеп турургъа керексе…» Алай а кимни юйретеди ол мында, киши жеринде? Башкеслени къолларына тюшгенли, аны сагъыш этер заманы барды.
6 октября, 2021 - 17:53
Белгили хореограф, фольклорист Къудайланы Мухтар миллетибизни тарыхы бла байламлы шартланы жыйыу бла арымай-талмай кюрешгенди. Аланы ёсюп келген тёлю билирине бек къайгъыргъанды. Сёз ючюн, ол таулу тукъумланы жюрютген 25 кезлеуню атларын жыйышдыргъанды.
6 октября, 2021 - 17:48
Алгъаракълада «Халкъла арала кооперация эм экспорт» миллет проектге кирген «Агропромышленный комплексни экспорту» деген регион проектни чеклеринде Россейни Эл мюлк министерствосу бла КъМР-ни Правительствосуну арасында этилген келишимге кёре быйыл регионнга 15 миллион доллар багъасына экспортха продукция ашырыргъа онг берилгенди.
6 октября, 2021 - 17:45
Кёп болмай Къабарты-Малкъар къырал аграр университетде "Жетишимни формуласы" деген жаш тёлюню онекинчи шахар слёту ётгенди. Ол Нальчикни администрациясында физкультура, спорт эмда жаш тёлюню ишлери жаны бла управлениясыны эм «Нальчикни жаш тёлюсюню ассоциациясыны» башламчылыгъы бла къуралгъанды. Анга шахарны мектеплерини тамата классларында окъугъанла къатышхандыла.
6 октября, 2021 - 17:40
Жууукъ заманда къурулуш ишлени чеклеринде 1936 жылда ишленнген Турбаза «Нальчикге» тынгылы ремонт этилликди. Аны къатында он минг квадрат метрге жетген жангы къонакъ юй комплекс да ишленирикди.
6 октября, 2021 - 17:06
Болгъан зат
Жууаш, чачы кюмюш бет ала башлагъан, орта жыл санлы эр киши элде ара мюлкню бухгалтериди. Сабыр адам, керексиз сёз ауузундан чыгъармаз. Уллугъа-уллуча, гитчеге-гитчеча сёлеше биледи. Аны битеу эл биледи, сюеди, хурмет этеди.
Страницы
|
