|
|
Все статьи
16 октября, 2021 - 11:03
Кёп болмай басмадан «Рамазан Геляев: В жизни и на сцене» деген китап чыкъгъанды.
Биринчи профессионал малкъар режиссёрну эм драматургну юсюнден китапны журналист эм театр кесаматчы Сараккуланы Асият хазырлагъанды. Аны жарашдырыу Геля улуну 105-жыллыгъына эм аны «Къанлы той» деген пьесасы сахнада салыннганлы 85 жыл толгъанына жораланнганды.
16 октября, 2021 - 10:01
Валерий Мухамедовични мен 40 жылдан аслам заманны таныгъанма. Къадарны буюрууу бла биз университетни бошагъандан сора, бир ауукъ заманны бир жерде ишлегенбиз – ол Эл мюлк министерствода, мен а – комсомолну обкомунда.
16 октября, 2021 - 09:00
Тюнене Жанхотияда «Шахар тийрени жангы мардалагъа кёре игилендириу» федерал проектге эм «Жашау журтла бла шахар болум» миллет проектге кёре ишленнген жангы скверни къууанчлы халда ачылыуу болгъанды. Анга КъМР-ни Правительствосуну Председатели Мусукланы Алий, Бахсан муниципал районну администрациясыны башчысыны къуллугъун толтургъан Артур Балкизов эм элни ветеран советини таматасы Байзуллаланы Мусса да къатышхандыла.
15 октября, 2021 - 19:46
Полициячылагъа – жангы мекям, КъМР-ни Башчысы Казбек Коков Россейни МВД-сыны СКФО-да Баш управлениясыны таматасы полицияны генерал-полковниги Сергей Бачурин бла бирге Россейни МВД-сыны Май эмда Прохладный районлада бёлюмлерини жангы мекямларыны ачылыуларына къатышхандыла. Къууанчха дагъыда КъМР-де ич ишлени министри полицияны генерал-майору Василий Павлов, муниципал районланы администрацияларыны башчылары, право низамны сакълагъан органлада къуллукъ этгенле эмда бу структураны ветеранлары келгендиле.
15 октября, 2021 - 18:43
КъМР-ни Башчысы Казбек Коков Къабарты-Малкъар къырал аграр университетни Алим советини вузну 40-жыллыгъына аталгъан уллу жыйылыууна къатышханды.
15 октября, 2021 - 17:46
Буруннгу заманладан бери къарачайлыла бла малкъарлыла малчылыкъ бла дайым кюрешгенлей келедиле. Аны себепли миллетибизни жашауунда сют аслам жер алады. Анда бизни саныбызгъа, чархыбызгъа жарагъан хайырлы затла бардыла.
Белгили академик И.П. Павлов да чертгенди ол шартны: «Сют табийгъатны кеси жарашдыргъан бек сейирлик, татымлы ашларындан бириди», - дегенди ол. Таулула акъ суусундан кёп тюрлю аш этедиле. Бизни бюгюннгю хапарыбыз гыпы айранны (кефир) бла жууурт айранны (йогурт) юслеринден боллукъду.
15 октября, 2021 - 16:35
Бу кюнледе КъМР-ни Жарыкъландырыу, илму эмда жаш тёлюню ишлери жаны бла министерствосунда 2021 жылда «Финансла жаны бла окъуулулукъну онлайн-дерслери» деген проектни жашауда бардыра, анга тири къатышхан школ директорланы, устазланы, билим бериу управленияланы келечилерин Россейни Банкыны бизни республикада бёлюмюню грамоталары бла саугъалау къууанчлы халда озгъанды. Сагъынылгъан проектни жаз башындагъы сессиясына КъМР-ни битеулю билим берген махкемелерини саулай да 100 проценти къошулгъанды. ЮФО-да эмда СКФО-да бу кёрюмдю эм бийикге саналгъанды.
15 октября, 2021 - 15:32
Тас болгъанланы терк табаргъа телефонла болушурукъдула
«Оператив-излеу ишни юсюнден Федерал законну 8-чи статьясына кийирилген тюзетиуле быйыл 12 июльда кючлерине киргендиле, деп билдиредиле Май районну прокуратурасындан. Алагъа кёре тас болгъан адамланы телефонлары къалайда болгъанларыны юсюнден шартланы мобиль оператордан сюдню оноуу болмай алыргъа эркин этиледи. Анга излеуню бардыргъан органны башчыларындан бирини бегими да тамамлыкъ этерикди.
15 октября, 2021 - 13:11
Адамны жашауунда юйюр къурау уллу да, магъаналы да жерни алады. Нек дегенде ол кюнден башлап юйюрленнгенлени жашаулары жангы ызгъа бурулады, ала жангы жашау къурап, ахшы муратларына жетерге итинедиле. Бизни къарачай-малкъар халкъда да, башхаладача, жаш адамланы бирге болууларына уллу къууанч бла тюбейдиле.
15 октября, 2021 - 13:05
Халкъыбызда угъай, саулай республикада да фахмулу жаш адамладан бирине мен режиссёр Къумукъланы Магометни санайма. Аны алайлыгъына кёпле да шагъатлыкъ этерге хазырдыла. Аны усталыгъын бла фахмулугъун биз ол жыл сайын алдыргъан тюрлю-тюрлю фильмледе кёребиз. Режиссер 2016 жылда «Любовь не за горами» деген суратлау, ызы бла «Бичакъ», «Юй» деген документли фильмлери эм «Минги тау» деген къысха метражлы фильми бла къууандыргъанды. Кёп болмай ол къарачай атны юсюнден «Крылья горца» деген аламат фильм да чыгъаргъанды. Аны бла ушагъыбыз да керти да магъаналы, кюн сайын эс бёлюрге тийишли затланы юслеринден эм алагъа жангы кёзден къараргъа чакъырыуну юсюнден болгъанды.
14 октября, 2021 - 20:48
КъМР-ни Башчысы Казбек Коков «муниципал сагъат» бардыргъанды, анга КъМР-ни Правительствосуну Председатели Мусукланы Алий, КъМР-ни Башчысыны Администрациясыны таматасы Мухамед Кодзоков, вице-премьер Марат Хубиев, КъМР-ни саулукъ сакълау министри Рустам Калибатов, муниципалитетлени оноучулары къатышхандыла. Анда миллет проектлени бардырылыулары эм эпидемиология болум сюзюлгендиле.
14 октября, 2021 - 20:44
КъМР-ни Башчысы Казбек Коков Къабарты-Малкъарны В.М. Коков атлы аграр университетини ишчилерин вуз къуралгъанлы къыркъ жыл толгъаны бла байламлы къырал саугъала бла белгилеуню юсюнден указгъа къол салгъанды.
Бийик специалистлени хазырлауда жетишимлери эм кёп жылланы бет жарыкълы уруннганы ючюн Къабарты-Малкъар Республиканы Сыйлы грамотасы бла Амур Фиапшев – «Предприятияланы энергообеспечениясы» кафедраны таматасы – саугъаланнганды.
14 октября, 2021 - 17:30
КъМР-ни Башчысы Казбек Коков республикада коронавирус инфекциядан ауругъанланы саны ёсюп баргъаны бла байламлы Къабарты-Малкъарны жеринде бир-бир ишлеге чек салыу мадарланы кючлендириуню юсюнден указгъа къол салгъанды. Ол 2021 жылны 15 октябринден башлап кючюне киреди.
14 октября, 2021 - 17:27
«Шуёхлукъ» альманахны бетлеринде Чегем ауузуну эллерини жашауларына бла мюлк таматаларыны ишлерине жораланнган кезиулю очерк Байсолтанов атлы колхозну председатели болуп тургъан Къудайланы Келлетге жораланады. Автор Къулийланы Хусейди. Узакъ 1973 жылдан бери жазыу тилибизде жорукъла иги да тюрленнгенлери себепли, очеркни жангыдан хазырларгъа тюшгенди.
14 октября, 2021 - 17:05
Кёп болмай Къабарты-Малкъар къырал университетде промышленностьну айнытыуну эм инженер кадрланы хазырлаугъа жоралап республикада Машинала ишлеучюлени союзуну кенгеши болгъанды.
14 октября, 2021 - 16:41
Эндиги ыйыкъдан башлап биринчи классланы окъуучулары ана тилни жангыртылгъан дерсликле бла хайырланып окъуяллыкъдыла. Республиканы битеулю билим берген организацияларына биринчи класслагъа деп ана тилден бла адабиятдан 21 минг жангы дерсликле ётдюрюллюкдюле. Ол «Къабарты-Малкъар Республикада билим бериуню айнытыу» регион къырал программагъа кёре жарашдырылгъан эм басмаланнган ана тилледен бла адабиятдан 1-4 класслагъа жангы китапланы биринчи къауумуду.
14 октября, 2021 - 12:38
Байсыланы Хажи-Мурат Россей Федерацияны Сыйлы изобретателиди. Сыйлы метеоролог, Гидрометеорология службаны махтаулу ишчиси, юч жюзге жууукъ илму ишлени, къадар жангычылыкъланы къурагъан, техника илмуланы кандидаты да олду. Биз жашаууну аслам кесегин илмугъа къуллукъ этиуге берген алим бла ушакъ бардыргъанбыз.
13 октября, 2021 - 18:49
Къабарты-Малкъар Республиканы Башчысы К.В. Коковну Право низамны сакълаучу органлада къуллукъ борчларын толтура тургъанлай ёлгенлени эсгериуню кюню бла байламлы обращениясы.
13 октября, 2021 - 15:33
Къарачай-малкъар халкъны жыр хазнасыны юсюнден материалланы окъуй кетгенде, Жанатайланы Джамиляны 2015 жылда басмаланнган «Миллетибизни бек эрттегили жырлары» деген магъаналы тинтиу иши къолума тюшгенди. Материалны хазырларгъа анга ол кезиуде устазы Жанатайланы Адилгерийни къызы Лейла кёлю бла болушханды. Къыйынларына тийишли багъа да берилген эди – «Ана тилим – жаным-тиним» деген республикалы конкурсда къызны бу иши биринчи жерге тийишли кёрюлгенди. Алайды да, Джамиляны жазгъаны бла газет окъуучуларыбызны да шагъырейлендирейик.
13 октября, 2021 - 14:49
Жаш тёлюге жорукъланы юсюнден дерс
МВД-ны Нальчикде бёлюмюню къырал автоинспекциясыны келечилери Къабарты-Малкъарны автомобиль-жол колледжини окъуучулары бла тюбешгендиле. Полициячыла жаш тёлюге жоллада жюрюуде жорукъланы юсюнден дерс бардыргъандыла. Аны башларны аллында окъуучуланы республикада жол-транспорт болумланы статистикасы бла шагъырейлендиргендиле.
Страницы
|
