|
|
Все статьи
16 сентября, 2021 - 11:50
Нальчик шахар округну Урунуу эмда социал къоруулау арасы шахарда Къайсын атлы проспектде орналгъан «Эдельвейс» арада ишлегенле бла бирге жандауурлукъ ишни дайым бардыргъанлай турадыла. Алай бла къарыусуз, къолайсыз юйюрлеге, аланы сабийлерине, санларында чекленнген онглары болгъан эмда энчи балалагъа да байрам ингирле, сурат кёрмючле къурайдыла. Бу жол да ары аналары, аталары, ынналары бла келген къызчыкъланы бла жашчыкъланы жарыкъ ауазчыкълары алгъаракъдан окъуна араны жыйылыула бардырылыучу залында эшитиле эдиле. Ол а аланы байрамны къурагъанлагъа ыразы болгъанларына шагъатлыкъчады.
15 сентября, 2021 - 17:53
Быйыл да, хар замандача, Нальчикде гумапнитар-техника колледжни мурдорунда сакъатланы эмда саулукъларында чекленнген онглары болгъанланы арасында профессионал усталыкъны «Абилимпикс-2021» бешинчи юбилей регион даражалы чемпионаты бардырыллыкъды. Ол 28 сентябрьден башлап 30 сентябрьге дери ишлерикди.
15 сентября, 2021 - 17:05
Бу кюнледе Шимал-Кавказны исскусстволаны Шимал-Кавказ къырал институтунда болгъан жыйылыуда сёз "Аскер искусстволаны Битеуроссей студент оюнларыны" юсюнден баргъанды.
15 сентября, 2021 - 17:01
2021 жылны 31 июлюндан башлап энчи предпринимательлеге, иш бла жалчытыучулагъа ишчилерине Социальный страхование фондда регистрация этер ючюн, аланы урунуу китапчыкъларыны копиялары, урунуу келишимлери да керек тюйюлдюле.
15 сентября, 2021 - 15:33
КъМР-ни прокуратурасы район больницаладан бирини башчысына ачылгъан уголовный ишни сюдню къараууна бергенди. Ол бюджет ахчаны урлагъанына ишеклик барды.
15 сентября, 2021 - 15:31
62-жыллыкъ чегемли тиширыу сатып алгъан товар ючюн банк картасындан тёлерге кюрешгенде, ахчасы жетмегени ачыкъланнганды. Алай ол картасындан жукъ да алмагъанды, бир тюрлю тёлеуле этмегенди. Ол ахчасы тас болгъаныны юсюнден право низамны сакълаучулагъа тарыкъгъанды.
15 сентября, 2021 - 15:29
Халкъыбызда келген оюнладан бек эрттегилисинден бири ашыкъ оюнду десек, ётюрюк болмаз. Аны уллу, гитче да бек сюйгендиле. Анга кёп адам къатышыргъа болады. Бюгюннгю жаш тёлю аны къалай ойналгъанын хазна билген да этмейди, жарсыугъа. Ол себепден юйретиучюле, сабийле да аны юсюнден бираз толуракъ билсинле деген мурат бла бу материалны жарашдыргъанбыз.
15 сентября, 2021 - 14:30
1859 жылда Шимал Кавказда патчахны буйругъу бла тау школла ачылгъандыла. Анда бай адамланы сабийлери окъугъандыла. Башланнган класслада орус тилни, арифметиканы, географияны, Къуранны (христианлыла да кеслерини дин китапларын) окъугъандыла. Андан арысында математикадан, тыш къыраллы тилледен, тарыхдан да дерсле алгъандыла.
14 сентября, 2021 - 18:46
КъМР-ни Башчысы Казбек Коков спортда бийик кёрюмдюле болдургъаны ючюн Олимпиада оюнлагъа къатышхан Михаил Акименкону Къабарты-Малкъар Республиканы Сыйлы грамотасы бла саугъалауну юсюнден указгъа къол салгъанды. КъМР-ни Правительствосуну Председателини распоряжениясына кёре, спортчугъа эм аны юйретиучюсюне ахча саугъа берирге оноу этилген эди.
14 сентября, 2021 - 15:55
Дарманла сатып алгъаны ючюн къоранчларыны бир кесегин артха къайтарыргъа сёз берип, тиширыуну 262 минг сомун урлагъандыла.
14 сентября, 2021 - 09:00
Бу кюнледе китап тапкаларымы жыйышдыра, Къудайланы Маштайны бир ненча къол жазмасын тапханма. Ала эски китапланы ичлерине къалай бла тюшюп къалгъанларын билмейме, алай узакъ жыллада тагъылгъан назму тизгинле жюрегими къозгъап, ариу илхамны шагъатлары болгъандыла.
14 сентября, 2021 - 09:00
Къулийланы Борис 1938 жылда Нальчикде назмучу, жырчы Хажимусаны бла ариулугъу кёз къаматхан Эфендиланы Зухраны жырны, музыканы сюйген, дуния адабиятдан хапарлары болгъан юйюрлеринде туугъанды. Алтыжыллыгъындан башлап, аны сабийлиги, жашлыгъы да Къыргъызстанда ётгендиле. Борис орта школну Фрунзе шахарда бошагъанды. Бери къайтханда, окъургъа медицина училищеге кирсе да, 1958 жылда, малкъар студия айырып, Москвада Щепкин атлы театр училищеде окъугъанды. Аны бошагъандан сора, Борис нёгерлери бла бирге Нальчикде малкъар театрда ишлеп башлагъанды.
14 сентября, 2021 - 08:27
КъМР-ни Башчысы Казбек Коков республиканы Правительствосу бла жыйылыу бардыргъанды.
13 сентября, 2021 - 21:10
Бийикге секирип Олимпиадалы чемпионкагъа Мария Ласицкенеге эм аны юйретиучюсюне, Россейни сыйлы тренерине Геннадий Габриляннга Минеральные Воды шахарны аэропортунда Къабарты-Малкъардан баргъан келечиле тюбегендиле.
13 сентября, 2021 - 21:01
Озгъан ёмюрню 20-30-чу жылларында жангы къуралгъан къыралны культура ёсюуюне бек уллу эс бёлюннгенди. Элледе, шахарлада школлада, башха окъуу мекямлада да театр кружокла ишлегендиле, халкъ сахна оюнлагъа сюйюп къарагъанды. Театр искууствону кючю алай уллу болгъанын кёрюп, къыралны оноуда сюелген адамлары аны юсю бла инсанланы ол замандагъы саясат излемлеге кёре юйретир умутда, миллет театрланы къураугъа киришгендиле.
13 сентября, 2021 - 19:05
Алгъыннгы къыралыбызны бек бийик саугъасы Ленинни ордени эди. Аны аскерде уллу жигитлик этгенлеге, урунууда бийик кёрюмдю болдургъанлагъа бергендиле. Жерлешлерибизни араларында анга тийишли болгъанладан бири Жанхотия элден Ёзденланы Шаухалды.
13 сентября, 2021 - 19:03
«Шах-шах-2021» ведомствола аралы операцияны эсеплери чыгъарылгъандыла. Ол республикада майдан октябрьге дери кезиуде бардырылгъанды. Кеси да наркотиклени хайырланыу жаны бла аманлыкъланы тохтатыр, уулу кырдык ёсген жерлени ачыкълап, аланы жокъ этер мурат бла къуралгъанды. Андан сора да, наркотиклери болгъан кырдыкланы ёсдюрюу, аны сатыу бла кюрешгенлени ачыкълау жаны бла тийишли жумушла да толтурулгъандыла.
13 сентября, 2021 - 18:58
КъМР-де МВД-ны Следствие управлениясыны къуллукъчулары Чегем райондан 35-жыллыкъ тиширыугъа ачылгъан уголовный ишни тинтип бошагъандыла. Ол культура хазнаны эсгертмелерин къоруулау жаны бла къырал учрежденияны башчысыны къуллугъун толтургъанды алгъаракълада.
13 сентября, 2021 - 18:50
Вузланы студентлери бир жолгъа бир ненча усталыкъгъа юйренирге эркиндиле. Дагъыда экинчи курсдан сора башха усталыкъны сайларгъа, факультетни алышыргъа да болллукъдула. Ол жаны бла федерал закон быйыл 1 сентябрьде кючюне киргенди.
13 сентября, 2021 - 18:29
13 сентябрь – Танкчыны кюню
Россейде сентябрьни экинчи ыйых кюнюнде кеслерини профессионал байрамларын танкчыла эмда бу кючлю машинаны ишлетиуге, хайырланыугъа къошумчулукъ этгенле, ол санда конструкторла, инженерле, танкланы чыгъаргъан заводланы ишчилери, профильли вузланы окъуучулары, устазлары да белгилейдиле. Быйыл а ол 12 сентябрьге тюшгенди.
Страницы
|
