|
|
Все статьи
7 сентября, 2021 - 12:55
Кюз арты толу иелик этип тебирегенли, кюнле салкъын, кечеле уа сууугъуракъ болгъандыла. Саният сюймейди бу заманны. Алгъан болмаса, ол анга зат берип эсине да тюшюралмайды. Атасы, анасы, баш иеси… Насыплы уа болгъанды. Баш иеси бла жашагъан кезиую аны эсинде жайча къалгъанды. Къышы, кюзю да алай жарыкъ. алай жылыулу эди…
7 сентября, 2021 - 12:48
КъМР-ни Художниклерини союзуну члени, Ингушетия Республиканы искусстволарыны сыйлы къуллукъчусу Баккуланы Владимир Къулийланы Къайсын атлы Малкъар къырал драма театрны тамата художник-постановщигиди. Андан сора да, «Къайсыннга жюз атлам» проектни алчыларындан бири, жамауат жашаугъа тири къатышхан, миллетине жюреги бла жарсыгъан тынгысыз адам.
7 сентября, 2021 - 12:41
Къабарты-Малкъарны мюлклеринде къыстау картофну жыйып кюрешедиле.
7 сентября, 2021 - 11:17
Россельхозбанкны коммуникация кампаниясы ата журтлу продуктланы белгили этиу жаны бла кюч ала барады. Ресторан иш бла кюрешген Аркадий Новиковха бла аш-азыкъ бла байламлы телевиденияда бериуле бардыргъан Юлия Высоцкаягъа фермерле бла артистле, жазыучула, жолоучула, спортчула, блогерле эм башха затла бла кюрешген Россейни кёп регионунда жашагъанла да къошулгъандыла.
Битеу ала, качестволу россейли продуктланы адамлагъа билдиредиле, эл мюлкде уруннганланы уа даражаларын кётюрюрге себеплик этедиле.
7 сентября, 2021 - 09:00
Кёп болмай Зольск районда ОМВД-ны келечилерине такси службада ишлеген эр киши ол элтген адам алдау бла машинасын алгъанын эм тюйюп хуржун телофонун сыйыргъанын билдиргенди. Аны аты Рамазан болгъанын да билдиргенди.
6 сентября, 2021 - 21:13
Уллу Ата журт урушну заманында урушдан «къысталгъан» таулу жашланы бир къаууму, туугъан халкъларын налат Сталин къайтмазгъа сюргенине ийнанмай, Малкъаргъа келгенде, ата-аналарын, ахлуларын, юйдегилерин тапмай, аланы излеп, Къазахстаннга, Къыргъызстаннга бара эдиле.
6 сентября, 2021 - 21:07
Огъары Малкъаргъа баргъан жолну къурулушуну эм анда ишлегенлени юслеринден кёп хапарла бла таурухла жюрюйдюле. Эшитгенле къошхан, къоратхан да, эте болурла. Кертиси уа къалай болгъан болур? Къачан, къалай эм кимле ишлегендиле ол жолну? Ол да миллетибизни тарыхыны бир бетиди. Бу хапарда сёз аны юсюнден барлыкъды.
6 сентября, 2021 - 20:58
Бир жол эрттегили шуёхума тюбейме. Ушакъ эте келгенибизде, ол манга: «Билеме, сен кёплени юсюнден жазаса, махтайса. Ала керти да хурметге тийишли адамладыла. Аны ючюн сау бол, алай мени тилегими толтура, бизни биринчи устазыбызны юсюнден да жазсанг эди, бек ыразы этеригенг. Бу жаланда мени тилегим тюйюлдю, классыбызда окъугъан кёплени тилеклериди. Устазыбыз а Къарчаланы Шама Хакимовнады», - деп, аны юсюнден эки сагъатны ичинде тохтаусуз хапар айтып турду. Мен аны, башхаланы да тилеклерин толтура къаламымы къолгъа алгъанма.
6 сентября, 2021 - 19:46
«Кавказ» федерал жолда эки машина къагъышханды, ачыгъанла бардыла.
6 сентября, 2021 - 15:37
Къырал автоинспекцияны управлениясындан билдиргенлерине кёре, тазирни заманында тёлемегеннге артыкъ къоранч этерге тюшерикди. Аны бла бирге ол саулай тёленнгинчи жабылгъаннга саналмайды.
6 сентября, 2021 - 15:28
Быйыл озгъан жети айгъа Къабарты-Малкъарда жашау журт-коммунал мюлк жаны бла биригиулени электрокюч ючюн борчлары 19 миллион сомгъа ёсгенди. Алай бла бюгюнлюкде аланы саулай «Каббалкэнерго» компаниягъа 223 миллион сом берликлери барды.
6 сентября, 2021 - 14:01
Къабарты-Малкъарда жашагъанла быйыл Россельхозбанкдан озгъан жылдан эсе 1,7 кереге кёп ёнкюч ахча алгъандыла.
Жылны алындан тебиреп Россельхозбанкны Къабарты-Малкъарда бёлюмюню ёнкюч берирге хазыр болгъан суммасы 3 миллиард сомгъа жетгенди. Республикада жашагъанла быйылны сегиз айына бир миллиард сом алыргъа деп кредитлени къагъытларын жарашдыргъандыла. Былтырны бу кезиую бла тенглешдиргенде ол кёрюмдюню 1,7 кереге кёпдю.
Асламысында адамла фатарла сатып алыргъа ипотека кредитлени жарашдырадыла. Физический лицолагъа берген ёнкючлени ичинде ол 60 процентни тутады.
6 сентября, 2021 - 12:25
Жолда жюрюуню жорукъларына этилген бузукълукъла ючюн тазирни заманында тёлеген инсан къаллай хайыр алады, аны ёлчемин къалай азайтыргъа боллукъду? Соруулагъа жууапны УГИБДД-ны пресс-службасындан бергендиле.
6 сентября, 2021 - 12:18
Эслегенмисиз, арт кезиуде миллетибизде сабийлени, ол угъай, таматаланы да бууунларында бир къызыл баучукъ тагъылыпды. Аланы артистле, жырчыла, футболчула да жюрютюп, халкъда, жамауатда, бютюнда уа ёсюп келген тёлюде кенг жайгъандыла. Алай къызыл бауну буууннга къысардан алгъа уа бу тёре къайдан келгенди, ол къаллай магъананы тутады, муслийманлагъа ол жараймыды, деп сагъыш этген болурламы адамларыбыз?
6 сентября, 2021 - 11:36
Шарла къайдан чыкъгъанларыны юсюнден илмуну адамларыны оюмлары бир кибик тюйюлдюле. Биз аланы хауа неда гелий бла кёпдюрюлген илляулача билебиз. Алай аланы тарыхларыны тамыры тереннге кетеди, Кюнбатыш къыраллагъа.
6 сентября, 2021 - 10:46
Кёп болмай Къабарты-Малкъар Республикада МВД-ны дознание бёлюмю эркинликсиз алтын-кюмюш сатхан 52-жыллыкъ нальчикчи тиширыугъа Уголовный кодексни 171.1-чи статьясыны 1-чи кесегине тийишлиликде уголовный иш ачханды, деп билдиредиле КъМР-де МВД-ны пресс-службасындан.
6 сентября, 2021 - 08:54
КъМР-ни Башчысы Казбек Коков бир къауум школланы директорлары бла тюбешиу бардыргъанды, деп билдиргендиле регионну оноучусуну пресс-службасындан.
5 сентября, 2021 - 13:31
Бахсан ауузу бла ёрге бара, Тырныаууздан юч-тёрт къычырым ётгенлей, Бахсан сууну сол жанында, ариу кюнлюм бетде, тик къаяны аллында оюлгъан кёп таш хунала, юй-журт мурдорла кёребиз.
5 сентября, 2021 - 13:14
Бу кюнледе КъМР-ни Парламентинде республиканы Къыраллыгъыны кюнюне жораланып саугъалау болгъанды. Бет жарыкълы ишлегенлени бир къауум адам законла чыгъарыучу органны Сыйлы грамотасына тийишли кёрюлгендиле. Аланы араларында уа Газаланы Байдуллахны жашы Масхут да болгъанды.
5 сентября, 2021 - 13:07
Билимни кюнюнде Нальчикни окъуучулары «Водительле! Сакъ болугъуз! Сабийле мектепге барадыла!» деген чакъырыуу бла флешмоб бардыргъандыла. Бу ишге Нальчикни ГИБДД-сыны таматасы полицияны майору Вячеслаев Агеев да къошулгъанды.
Страницы
|
